پنوں کے قتل کی سازش کرنے والے نکھل گپتا کی حوالگی کا حتمی فیصلہ وزیرانصاف پاول بلیزیک پر منحصر ہے
Nikhil Gupta Extradition: چیک جمہوریہ کی ایک اپیل کورٹ نے ہندوستانی شہری نکھل گپتا کو امریکہ کے حوالے کرنے کی منظوری دے دی ہے۔ امریکہ نے ان پر الزام لگایا تھا کہ وہ خالصتانی دہشت گرد گروپتونت سنگھ پنو(Gurpatwant Singh Pannun) کو امریکی سرزمین پر قتل کرنے کی ناکام سازش میں ملوث ہونے کا الزام لگا تھا۔
چیک جمہوریہ کی وزارت انصاف کے ترجمان کے مطابق نکھل گپتا کی حوالگی کا حتمی فیصلہ وزیر انصاف پاول بلیزیک (Czech Minister of Justice Pavel Blažek)پر منحصر ہے۔ 52 سالہ ہندوستانی شہری کو امریکی درخواست پر 30 جون کو چیک جمہوریہ میں گرفتار کیا گیا تھا۔ امریکی وفاقی استغاثہ نے نکھل گپتا پر بھاڑے(کرائے کے قاتل)پر قتل کرنے کا الزام لگایا ہے۔ اس کے تحت زیادہ سے زیادہ 10 سال قید کی سزا ہوسکتی ہے۔
کیا ہیں نکھل گپتا کے وکلاء کے دلائل؟
Czech news website Seznam Zpravy کی رپورٹ کے مطابق نکھل گپتا کے وکلاء نے عدالت میں دلیل دی ہے کہ نکھل کی گرفتاری غلط شناخت کی وجہ سے ہوئی ہے۔ وکیل نے کہا کہ نکھل گپتا کی گرفتاری سیاسی طور پر مبنی ہے۔ دسمبر میں نچلی عدالت کے فیصلے کے خلاف بھارتی شہری کی اپیل کے باوجود پراگ ہائی کورٹ نے فیصلہ برقرار رکھا ہے۔ وزارت انصاف کے ترجمان نے اشارہ دیا ہے کہ حتمی فیصلہ اب وزیر انصاف پاول بلیزیک کے پاس ہے۔ قابل ذکر بات یہ ہے کہ وزیر انصاف کا فیصلہ کب آئے گا اس بارے میں کوئی واضح معلومات نہیں ہیں۔
یہ بھی پڑھیں: دہلی-یوپی میں اگلے کچھ دنوں تک سردی کی لہر کے ساتھ چھائی رہے گی گھنی دھند، جانئے کن ریاستوں میں جاری ہوا ‘کولڈ ڈے’ الرٹ
امریکہ نے کیا ثبوت فراہم کیے؟
امریکی عدالت میں فرد جرم سے متعلق دستاویزات میں نکھل گپتا کو سازش سے جوڑنے کے لیے رابطے کی تفصیلات شیئر کی گئیں تھیں۔ اس کے ساتھ کچھ تصویریں بھی پیش کی گئیں- جن میں رقم کے لین دین اور ‘کرائے کے قاتل’ کو ایڈوانس رقم دیتے ہوئے دکھایا گیا تھا۔ امریکہ نے دعویٰ کیا ہے کہ ‘کرائے کا قاتل’ جسے نکھل گپتا نے مبینہ طور پر پیشگی رقم دی تھی وہ خفیہ امریکی ایجنٹ تھا۔
قابل ذکر بات یہ ہے کہ نکھل گپتا کے وکیل نے رقم کے لین دین کی تصویروں کے بارے میں کہا کہ وہ تصویریں کچھ بنیان نہیں کرتیں ہیں۔ یعنی اسے بطور ثبوت پیش نہیں کیا جانا چاہئےکیونکہ یہ تصویر کسی بھی طرح کلک کی جا سکتی ہے۔
بھارت ایکسپریس
