اسرائیل میں پولیس نے دہشت گردانہ حملہ ہونے کا دعویٰ کیا ہے۔
Israel Terrorist Attack: اسرائیل کے ہائیفا میں ایک کار نے پیدل چل رہے کئی مسافروں کو ٹکرماری، جس میں سات لوگ زخمی ہوگئے۔ ڈیلی میل کی رپورٹ کے مطابق، پولیس نے اسے دہشت گردانہ حملہ بتایا ہے۔ سیکورٹی اہلکاروں نے ملزم کو ہائیفا شہرکے جنوب میں کرکور پرگرفتار کرلیا ہے۔
دہشت گردوں نے چاقو سے بھی کیا حملہ
پولیس نے بتایا کہ دہشت گردوں نے بس اسٹیشن پرکئی لوگوں کو پہلے کچلا، پھردوسرے لوگوں پر چاقو سے حملہ کیا۔ اسرائیل نے ایمرجنسی میڈیکل سروس کے افسر میگن ڈیوڈ نے کہا کہ ان کی ٹیم جائے حادثہ پر سات لوگوں کا علاج کررہی ہے، جن میں سے ایک شخص کی حالت تشویشناک بتائی جارہی ہے۔ اسرائیل پولیس نے ایکس پر پوسٹ کرکے بتایا، کرکور بس اسٹینڈ پر مسافرانتظار کررہے تھے۔ تبھی وہاں ایک گاڑی نے کئی لوگوں کو ٹکرماری، جس میں کئی لوگ زخمی ہوگئے۔ پولیس نے اس حملے کی جانچ شروع کردی ہے۔ یہ دہشت گردانہ حملہ فلسطینی گروپ حماس اور اسرائیل کے درمیان جنگ بندی کے درمیان ہوا ہے۔
Suspected Terror Attack in Pardes Hanna-Karkur:
Police have launched an investigation into a ramming attack at Karkur Junction, where several civilians waiting at a bus stop were injured.
Officers swiftly intercepted the vehicle and neutralized the suspect
— Israel Police (@israelpolice) February 27, 2025
جنگ بندی کے دوران ہوا حملہ
19 جنوری سے یکم مارچ تک غزہ میں پوری طرح سے جنگ بندی رہے گی۔ حماس 33 اسرائیلی یرغمالیوں کو رہا کرے گا۔ وہیں اسرائیل روزانہ اپنے ایک یرغمالی کے بدلے 33 فلسطینی قیدیوں کو رہا کرے گا۔ ہرایک اسرائیلی خاتون فوجی کے بدلے 50 فلسطینی قیدیوں کو رہائی ملے گی۔ 7 اکتوبر 2023 کو حماس کے حملے کے بعد اسرائیل نے غزہ کو تباہ کردیا۔ ہزاروں معصوم بچے اور خواتین کو قتل کردیا گیا جبکہ لاکھوں افراد زخمی ہوگئے۔ اس کے علاوہ لاکھوں افراد بے گھر ہوگئے۔ حماس نے آج جمعرات یعنی (27 فروری) کی صبح ہی 4 اسرائیلی یرغمالیوں کی لاشیں لوٹائی ہیں۔ حماس کی طرف سے لوٹائے گئے سبھی چاریرغمالیوں کی لاشوں کی پہچان کرلی گئی ہے۔
بھارت ایکسپریس اردو۔
