اسلام آباد پولیس نے اقلیتوں کی عبادت گاہوں کے تحفظ کے لیے تشکیل دیا خصوصی یونٹ
اسلام آباد: پاکستان میں مذہبی اقلیتوں پر بڑھتے ہوئے حملوں کے درمیان اسلام آباد پولیس نے جمعرات کے روز قومی دارالحکومت میں “اقلیتی طبقوں اور ان کی عبادت گاہوں کی حفاظت” کے لیے 70 رکنی خصوصی یونٹ تشکیل دیا۔ اسلام آباد پولیس نے ایکس (سابقہ ٹویٹر) پر ایک پوسٹ میں کہا، “70 جوان (پولیس اہلکار) اقلیتی تحفظ کے یونٹ میں تعینات کیے گئے ہیں۔” پوسٹ میں کہا گیا ہے کہ تمام ضلعی پولیس افسران اپنے علاقوں میں اقلیتوں کی عبادت گاہوں اور کمیونٹیز کی حفاظت کے ذمہ دار ہوں گے۔ اقلیتوں کے قومی کمیشن کی سفارشات کے مطابق قائم کردہ یونٹ سینئر سپرنٹنڈنٹ آف پولیس (ایس ایس پی آپریشنز) کی نگرانی میں کام کرے گا۔ پولیس نے کہا، “ہر ڈویژن کی سطح پر اقلیتی کمیٹیوں کے ساتھ رابطہ مضبوط کیا جائے گا۔”
“مینارٹی پروٹیکشن یونٹ” میں 70 جوان تعینات کردیے گئے۔
تمام ڈی پی اوز اپنے علاقہ میں اقلیتی عبادتوں گاہوں اور آبادیوں کی حفاظت کے ذمہ دار ہوں گے۔ ہر ڈویژن کی سطح پر اقلیتی کمیٹیوں سے رابطوں کو مضبوط بنایا جائے گا۔
مینارٹی پروٹیکشن یونٹ ایس ایس پی آپریشنز کی زیر نگرانی فرائض سر…
— Islamabad Police (@ICT_Police) August 17, 2023
حالیہ بھرتیوں سے پولس اہلکاروں کا انتخاب
پوسٹ میں کہا گیا ہے کہ اقلیتی تحفظ یونٹ کے لیے حالیہ بھرتیوں سے بھی پولس اہلکاروں کا انتخاب کیا گیا ہے۔ یہ اقدام پنجاب کے صوبائی دارالحکومت لاہور سے 130 کلومیٹر دور فیصل آباد ضلع کے جڑانوالہ قصبے میں توہین مذہب کے الزام میں مشتعل ہجوم کی جانب سے 21 گرجا گھروں اور عیسائیوں کے متعدد گھروں کو توڑ پھوڑ اور نذر آتش کرنے کے ایک دن بعد سامنے آیا ہے۔ عیسائیوں کے قبرستان اور مقامی اسسٹنٹ کمشنر کے دفتر میں بھی توڑ پھوڑ کی گئی۔ جڑانوالہ کے علاقے میں پولیس نے جمعرات کے روز امن کی بحالی کے لیے ‘کرفیو جیسے’ اقدامات کیے اور ایک روز قبل ہونے والے تشدد میں مبینہ طور پر ملوث ہونے پر اسلامی تنظیم تحریک لبیک پاکستان (ٹی ایل پی) کے کارکنوں سمیت 100 سے زائد مشتبہ افراد کو گرفتار کیا۔
جڑانوالہ میں 3000 سے زائد پولیس اہلکار تعینات
بدھ کے روز ہونے والے تشدد کے بعد جڑانوالہ میں 3000 سے زائد پولیس اہلکار اور پاکستان رینجرز کی دو کمپنیاں تعینات کر دی گئی ہیں۔ حکومت نے جڑانوالہ میں دفعہ 144 نافذ کرتے ہوئے چار یا اس سے زائد افراد کے اکٹھے ہونے پر پابندی عائد کر دی ہے۔ جڑانوالہ میں جمعرات کے روز تمام تعلیمی ادارے، کاروباری مراکز اور بازار بند رہے۔ نگراں وزیراعظم انوارالحق کاکڑ کی جانب سے جاری کردہ احکامات کی روشنی میں پنجاب حکومت نے واقعے کی تحقیقات کے لیے اعلیٰ سطح کی انکوائری کمیٹی بنانے کی ہدایات جاری کردی ہیں۔
پاکستان میں اقلیتوں پر توہین مذہب کا الزام
پاکستان میں عیسائیوں اور ہندوؤں سمیت مختلف اقلیتوں پر اکثر توہین مذہب کا الزام لگایا ہے، اور کچھ کے خلاف توہین مذہب کے الزام میں مقدمہ چلایا گیا ہے اور انہیں سزائیں بھی دی گئی ہیں۔ گزشتہ سال جون میں سینٹر فار پیس اینڈ جسٹس پاکستان کی ایک رپورٹ کے مطابق، نیشنل ڈیٹا بیس اینڈ رجسٹریشن اتھارٹی سے جمع کیے گئے ڈیٹا کی بنیاد پر پاکستان میں 22,10,566 اقلیتی ہندو اور 18,73,348 عیسائی آباد ہیں۔
بھارت ایکسپریس۔
