اسرائیلی فوج نے لبنان پر 400 حملے کرنے کا دعویٰ کیا ہے جس کے جواب میں ایران کی حمایت یافتہ لبنانی تنظیم حزب اللہ نے شمالی اسرائیل میں رمت ڈیوڈ ایئربیس پر درجنوں راکٹ داغ دیے۔غیر ملکی خبررساں اداروں ’رائٹرز‘ اور ’اے ایف پی‘ کی رپورٹس کے مطابق بیروت پر حملے کے بعد اسرائیل نے لبنان پر مزید حملے شروع کر دیے ہیں، اسرائیلی فوج نے گزشتہ روز لبنان پر 400 حملے کرنے کا دعویٰ کیا ہے۔اسرائیلی فوج کی جانب سے جاری بیان میں کہا گیا کہ انہوں نے لبنان کے مختلف علاقوں میں حزب اللہ کے تنصیبات کو تباہ کردیا تاہم حزب اللہ کی جانب سے نقصان کی تصدیق نہیں کی گئی ہے۔
Scene from northern #Haifa earlier today.
The Israeli entity is getting a taste of its own medicine… pic.twitter.com/naddt4qPX6— Hala Jaber (@HalaJaber) September 22, 2024
دوسری جانب لبنان کی مزاحمتی تنظیم نے اپنے ٹیلیگرام چینل پر ایک پوسٹ میں بتایا کہ شمالی اسرائیل میں رمت ڈیوڈ ایئربیس پر درجنوں راکٹ داغے گئے ہیں جس کے نتیجے میں کئی افراد کے زخمی ہونے کی اطلاعات ہیں۔ حالانکہ اسرائیلی فوج نے کہا ہے کہ اس نے لبنانی سرزمین سے لگ بھگ 10 راکٹ لانچوں کی نگرانی کی اور لبنان کی سرزمین سے داغے گئے زیادہ تر راکٹوں کو روک دیا گیا۔واضح رہے کہ جمعے کے روز اسرائیل نے ایک بار پھر جنوبی بیروت کے مضافاتی علاقے میں بمباری کر کے حزب اللہ کی ایلیٹ یونٹ “رضوان فورس” کی پوری کمان کو ہلاک کر دیا تھا۔لبنان کی وزارت صحت نے ہفتے کے روز اعلان کیا کہ جمعے کے حملوں میں ہلاک ہونے والوں کی تعداد 37 ہو گئی ہے اور تقریباً 70 زخمی ہیں۔ یہ حملے حزب اللہ کے ارکان کے زیر استعمال پیجرز کو دھماکے سے اڑا دینے کے بعد ہوئے، جس میں درجنوں افراد ہلاک اور ہزاروں زخمی ہوئے۔
Video 1. A rocket impact has caused severe damage in northern #Haifa, where Israeli medics are treating at least 3 injured settlers.
30 minutes after a barrage of rockets was launched at the cluster of Israeli settlements, sirens billowed yet again in the same area.
Video 2.… pic.twitter.com/cBWvMInuex
— vanessa beeley (@VanessaBeeley) September 22, 2024
A rocket hits the target in Haifa (photo) Following a Lebanese Hezbollah rocket attack near a building in Kiryat Bialik, northern Israel.#Hezbollah #Lebanon #Iran#Haifa #Israel pic.twitter.com/1svtJXPB04
— Asgar Ali Idrisi (@asgaridrisi786) September 22, 2024
اسرائیلی فوج کے مطابق راکٹوں سے حیفہ کے قریب عمارتوں کو نقصان پہنچا، کئی کاروں میں آگ لگ گئی اور کم از کم تین افراد زخمی ہوئے ہیں۔اے ایف پی کےمطابق اسرائیلی فوج نے تازہ بیان میں کہا ہے کہ ’وہ اس وقت لبنان میں حزب اللہ کے ٹھکانوں کو نشانہ بنا رہی ہے۔فوج کے ترجمان لیفٹیننٹ کرنل ناداو شوشانی نے خبر رساں ادارے اے ایف پی کو بتایا کہ ‘اس وقت شمالی اسرائیل میں لاکھوں افراد کو بموں سے تحفظ کے لیے بنائی گئی پناہ گاہوں میں پناہ لینی پڑی تھی۔ان حالات کو دیکھتے ہوئے لبنانی وزیراعظم نجیب میقاتی نے اقوام متحدہ کی جنرل اسمبلی کا دورہ منسوخ کر دیا ہے۔
بھارت ایکسپریس۔
