نئی دہلی :بولیویا کے شہر ایل الٹو میں ایئر فورس کا ہرکولیس طیارہ ہفتہ کی صبح (بھارتی وقت کے مطابق) گر کر تباہ ہو گیا۔ پندرہ افراد ہلاک اور30سے زائد زخمی ہوئے۔ طیارہ ملک کے مرکزی بینک سے نئے کرنسی نوٹ لے کر جا رہا تھا۔ روئٹرز کی رپورٹ کے مطابق خراب موسم میں لینڈنگ کے بعد طیارہ رن وے سے پھسل کر قریبی مصروف سڑک پر جا گرا۔ سڑک پر کھڑی 10 سے 15 گاڑیوں کو بھی نقصان پہنچا۔ہوائی جہاز کا ملبہ، ٹوٹی ہوئی کاریں اور لاشیں سڑک پر بکھری پڑی تھیں۔ سڑک پر بینک نوٹ بھی بکھرے ہوئے دیکھے گئے جنہیں لینے کے لیے لوگ جائے وقوعہ پر جمع ہوگئے۔ حادثے کے بعد ہوائی اڈے کو عارضی طور پر بند کر دیا گیا ہے۔
حادثے کے بعد پورے علاقے میں ہنگامی صورتحال پیدا ہو گئی اور امدادی کارروائیاں فوری طور پر شروع کر دی گئیں۔مقامی میڈیا رپورٹس کے مطابق یہ حادثہ شام تقریباً 6 بجے اس وقت پیش آیا جب طیارہ لینڈنگ کے دوران اچانک رن وے سے پھسل گیا۔ طیارہ رفتار پر قابو نہ رکھ سکا اور ایئرپورٹ کی حفاظتی دیوار توڑتے ہوئے قریبی سڑک پر جا گرا۔ سڑک پر موجود کئی گاڑیاں طیارے کی زد میں آ گئیں جس کے باعث نقصان میں مزید اضافہ ہوا۔ تصادم اس قدر شدید تھا کہ متعدد گاڑیاں مکمل طور پر تباہ ہو گئیں۔
🚨Bolivian Air Force plane crashes
A Hercules aircraft crashed during takeoff and then collided with several cars in the area – local media pic.twitter.com/mLUpm0qnoT
— Sputnik (@SputnikInt) February 28, 2026
فائر بریگیڈ کے سربراہ پاویل ٹوور نے میڈیا کو بتایا کہ ابتدائی مرحلے میں یہ واضح نہیں ہو سکا کہ ہلاک ہونے والے افراد طیارے میں سوار تھے یا سڑک پر موجود گاڑیوں میں شامل تھے۔ تاہم حادثے کے فوراً بعد ریسکیو ٹیموں، فائر فائٹرز اور طبی عملے نے موقع پر پہنچ کر امدادی سرگرمیاں شروع کر دیں اور زخمیوں کو قریبی اسپتال منتقل کیا گیا۔رپورٹس کے مطابق حادثے کا شکار ہونے والا طیارہ ملک کے مختلف علاقوں میں تقسیم کے لیے نئے بینک نوٹ لے جا رہا تھا۔ حادثے کے بعد طیارے میں موجود بڑی مقدار میں کرنسی سڑک پر بکھر گئی۔ موقع پر موجود افراد نے اس منظر کی ویڈیوز بنا کر سوشل میڈیا پر شیئر کیں، جو تیزی سے وائرل ہو رہی ہیں۔
Trágico acciende de un avión hércules en El Alto. Según el informe preliminar, el avión llevaba divisas y la población intenta saquear dicho avión. Asimismo, se reporta varios fallecidos y heridos.
🌐 https://t.co/wcGYKOYcUj
📸 APG pic.twitter.com/YKtfE1VRFm— Opinión Bolivia (@Opinion_Bolivia) February 27, 2026
ابتدائی معلومات کے مطابق طیارے نے سانتا کروز شہر سے پرواز بھری تھی اور ایل آلٹو ایئرپورٹ پر لینڈنگ کے دوران حادثے کا شکار ہوا۔ رن وے سے پھسلنے کے بعد طیارہ ایئرپورٹ کے قریب واقع مرکزی سڑک پر جا گرا۔
مقامی میڈیا ادارے یونٹیل نے وزارتِ دفاع کے حوالے سے بتایا کہ طیارہ ملکی داخلی علاقوں میں کرنسی منتقل کرنے کے مشن پر تھا۔ دوسری جانب قومی ایئر لائن بولیویا نا ڈی ایوی ایشن نے وضاحت کی ہے کہ حادثے میں شامل طیارہ اس کے بیڑے کا حصہ نہیں تھا۔حادثے کے بعد ایل آلٹو بین الاقوامی ہوائی اڈے کو عارضی طور پر بند کر دیا گیا ہے۔ حکام کا کہنا ہے کہ مکمل تحقیقات اور رن وے کی جانچ کے بعد ہی ایئرپورٹ کو دوبارہ پروازوں کے لیے کھولا جائے گا۔ حادثے کی اصل وجوہات جاننے کے لیے باضابطہ تحقیقات کا آغاز کر دیا گیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
