آسٹریلیائی کرکٹر ایرون فنچ نے کرکٹ کو الوداع کہہ دیا ہے۔ (تصویر: سوشل میڈیا)
Australian cricketer Aaron Finch: ہندوستان اورآسٹریلیا کے درمیان 4 میچوں کی ٹسٹ سیریز کا آغاز 9 فروری سے ناگپور کے میدان میں ہوگا۔ تاہم اس سے پہلے کنگارو ٹیم کے سابق کپتان ایرون فنچ نے 7 فروری کی صبح اپنے انٹرنیشنل کرکٹ سے ریٹائرمنٹ کا اعلان کردیا ہے۔ واضح رہے کہ ایرون فنچ نے سال 2022 میں ہی ونڈے فارمیٹ کو الوداع کہہ دیا تھا۔
ایرون فنچ کی ہی کپتانی میں آسٹریلیائی ٹیم نے سال 2021 میں ٹی-20 عالمی کپ کو پہلی باراپنے نام کیا تھا۔ وہیں سال 2015 میں جب کنگارو ٹیم نے ونڈے عالمی کپ کواپنے نام کیا تھا تو اس وقت بھی ایرون فنچ ٹیم کا ایک اہم حصہ تھے۔ فطری طور پر جارحانہ بلے بازی کرنے والے ایرون فنچ نے اپنے 12 سال لمبے کیریئرمیں صرف 5 ٹسٹ میچ ہی کھیلے ہیں۔
ایرون فنچ نے اپنے ریٹائرمنٹ سے متعلق جاری بیان میں کہا، ‘مجھے اس بات کا احساس ہے کہ میں سال 2024 میں ہونے والے ٹی-20 عالمی کپ میں نہیں کھیل پاؤں گا۔ ایسے میں میرا اب ریٹائرمنٹ لینے کا یہ بالکل صحیح وقت ہے، جس سے ٹیم اپنی آگے کی حکمت عملی پر کام کرتے ہوئے کسی اور کھلاڑی کو تیار کرسکے’۔
Our World Cup winning, longest serving men’s T20I captain has called time on a remarkable career.
Thanks for everything @AaronFinch5 🤝 pic.twitter.com/cVdeJQmCXN
— Cricket Australia (@CricketAus) February 6, 2023
ایرون فنچ نے مزید کہا، ‘میں اس موقع پرآسٹریلیائی کھلاڑی، اپنی ٹیم کے ساتھ فیملی اور بیوی کا شکریہ ادا کرتا ہوں، جنہوں نے ہر وقت میرا ساتھ دیا۔ وہیں میں فینس کا بھی تہہ دل سے شکریہ ادا کرتا ہوں، جن کی مجھے مسلسل حمایت ملتی رہی۔ سال 2021 میں ٹی-20 عالمی کپ اور سال 2015 میں ونڈے عالمی کپ جیتنا میرے کیریئر کی سب سے شاندار یادیں رہیں گی’۔
ایرون فنچ نے کھیلے اتنے میچ
آسٹریلیائی ٹیم کو پہلی بار اپنی کپتانی میں ٹی-20 عالمی کپ فاتح بنانے والے ایرون فنچ کے انٹرنیشنل کیریئر کی بات کی جائے تو انہوں نے 146 ونڈے میچوں میں 38.89 کی اوسط سے کل 5406 رن بنائے ہیں، جس میں 17 سنچری اننگیں بھی شامل ہیں۔ وہیں ایرون فنچ نے 103 ٹی-20 انٹرنیشنل میچوں میں 34..29 کی اوسط سے 3120 رن بنائے ہیں، جس میں دو سنچریاں شامل ہیں۔
یہ بھی پڑھیں: پی سی بی کے سابق چیئرمین رمیز راجہ کا بڑا دعویٰ- ہندوستان نے پاکستان کے بالنگ ماڈل کا نقل کرلیا
اس کے علاوہ ایرون فنچ نے کنگارو ٹیم کے لئے 5 ٹسٹ میچ بھی کھیلے ہیں، لیکن اس میں وہ کچھ زیادہ کمال دکھانے میں کامیاب نہیں ہوسکے۔ ایرون فنچ نے ٹسٹ کی 10 اننگوں میں 27.08 کی اوسط سے صرف 278 رن بنائے ہیں، جس میں 2 نصف سنچری درج ہیں۔
-بھارت ایکسپریس
