سلمان خان کی فلم ’بیٹل آف گلوان‘ ایک بار پھر خبروں کی سرخیوں کی زینت بنی ہوئی ہے۔ ‘بیٹل آف گلوان’ کے پہلے گانے کا عنوان “ماتربھومی” ہے۔ فلم کے میکرز نے جمعہ 23 جنوری کو گانے کی پہلی جھلک شیئر کی اور بتایا کہ مکمل گانا کب ریلیز کیا جائے گا۔ 19 سیکنڈ کے گانے کے ٹیزر میں وادی گالوان اور ہندوستانی پرچم کی جھلک دکھائی گئی ہے۔ اس گانے کی واحد دھن، “ماتربھومی” شائقین کو اپنی طرف متوجہ کرنے کے لیے کافی ہے۔ سوشل میڈیا پر ریلیز ہونے والے اس ٹیزرمیں حب الوطنی کا گہرا رنگ دیکھنے کو مل رہا ہے، جس نے مداحوں میں زبردست جوش بھر دیا ہے۔
View this post on Instagram
سلمان خان نے اپنے انسٹاگرام ہینڈل پر اس گانے کا ٹیزر شیئر کرتے ہوئے لکھا کہ ‘ماتر بھومی’ کل ریلیز ہو رہا ہے۔ اس اعلان کے مطابق فلم کا مکمل گانا 24 جنوری کو، یعنی یومِ جمہوریہ سے ایک دن قبل، ریلیز کیا جائے گا۔ ٹیزر سامنے آتے ہی سوشل میڈیا پر مداحوں کے تبصرے آنے لگے، جہاں زیادہ تر یوزر نے گانے کے لیے اپنے بے صبری بھرے انتظار کا اظہار کیا۔ٹیزرمیں فلم کی جذباتی اور قومی جذبے سے بھرپور جھلک دکھائی گئی ہے، جس سے اندازہ لگایا جا سکتا ہے کہ‘ ماتر بھومی’ نہ صرف ایک گانا ہوگا، بلکہ فلم کی روح کو بھی اجاگر کرے گا۔ سلمان خان کے مداح اس گانے کو فلم کی ایک بڑی جھلک کے طور پر دیکھ رہے ہیں، جو ریلیز سے پہلے ہی توقعات کو مزید بڑھا رہا ہے۔
بیٹل آف گلوان کی ریلیز کو لے کر اہم اپ ڈیٹ
فلم کی ریلیز کو لے کر بھی اہم اپ ڈیٹ سامنے آئی ہے۔ میڈیا رپورٹس کے مطابق فلم کی شوٹنگ کا آغاز ستمبر میں لداخ میں ہوا تھا، جہاں فلم کے کئی بڑے اور چیلنجنگ ایکشن مناظر پہلے ہی شوٹ کیے جا چکے ہیں۔ بتایا جا رہا ہے کہ دسمبر تک فلم کی شوٹنگ مکمل ہو جائے گی، جس کے بعد ہدایت کار اپوروہ لکھیا پوسٹ پروڈکشن پر پوری توجہ دیں گے۔اندرونی ذرائع کے مطابق فلم کو جون 2026 میں ریلیز کرنے پر سنجیدگی سے غور کیا جا رہا ہے، حالانکہ ٹیم جولائی اور اگست کے مہینوں میں بھی موزوں تاریخوں کی تلاش کر رہی ہے۔ جنوری میں فلم کی ریلیز اب ممکن نہیں سمجھی جا رہی۔
ہدایت کار اپوروہ لکھیا کی اس فلم کی کہانی 2020 میں بھارت اور چین کے فوجیوں کے درمیان گلوان وادی میں ہونے والی جھڑپ پر مبنی ہے، جو بغیر ہتھیاروں کے لڑی گئی ایک انتہائی خطرناک اور جذباتی لڑائی تھی۔ لاٹھیوں اور پتھروں سے ہونے والی اس آمنے سامنے کی جھڑپ نے اسے بھارتی تاریخ کے سب سے یادگار اور دل دہلا دینے والے واقعات میں شامل کر دیا۔ مضبوط موضوع اور طاقتور اداکاری کے ساتھ ‘بیٹل آف گلوان’ بھارتی مسلح افواج کو پیش کی جانے والی ایک شاندار سنیما ئی خراج عقیدت بننے کے لیے تیار ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
