Gautam Adani pays tribute to Dharmendra: دوستی کے فسانے میں ہمیشہ یاد آئے گا، ’’یہ دوستی ہم نہیں توڑیں گے‘‘: اداکار دھرمیندر کے انتقال پر گوتم اڈانی کا اظہارِ تعزیت

احمد آباد: بالی ووڈ کے لیجنڈری اداکار دھرمیندر کے انتقال پر اڈانی گروپ کے چیئرمین گوتم اڈانی نے گہرے رنج و غم کا اظہار کرتے ہوئے کہا کہ ہم اس دنیا میں دھرمیندر جی کی کمی محسوس کریں گے، لیکن اسکرین پر ان کی چمک ہمیشہ قائم رہے گی۔

یہ دوستی ہم نہیں توڑیں گے: اڈانی

سوشل میڈیا پلیٹ فارم ’ایکس‘ پر ایک پوسٹ میں گوتم اڈانی نے لکھا، ’’بھارتی سینما کی روشنی آج مدھم ہوگئی ہے۔ ہم اس دنیا میں دھرمیندر جی کو یاد کریں گے، ، لیکن اسکرین پر ان کی چمک ہمیشہ قائم رہے گی۔‘‘ انہوں نے مزید کہا، ’’جب بھی دوستی کے فسانے کہے جائیں گے، ’یہ دوستی ہم نہیں توڑیں گے‘ ضرور یاد آئے گا۔ دھر م پاجی… آپ کو خراجِ عقیدت۔‘‘

The light of Indian cinema dims today and so does a part of my childhood. We will miss Dharmendra ji in this world, but his radiance on screen will remain eternal.

जब भी दोस्ती के फ़साने कहे जाएँगे, ‘ये दोस्ती हम नहीं तोड़ेंगे’ जरूर याद आएगा।

धरम पाजी, आपको विनम्र श्रद्धांजलि।… pic.twitter.com/8ePnxW4FfF

— Gautam Adani (@gautam_adani) November 24, 2025

دھرمیندر کا 89 سال کی عمر میں انتقال

واضح رہے کہ ہندی سینما کے عظیم اداکار دھرمیندر نے 89 سال کی عمر میں ممبئی میں آخری سانس لی۔ وہ طویل عرصے سے بیمار تھے اور سانس لینے میں دشواری سمیت متعدد عمر رسیدہ بیماریوں کا شکار تھے۔ انہیں باقاعدہ علاج و معائنہ کے لیے بریچ کینڈی اسپتال میں داخل کیا گیا تھا۔

اسپتال میں کچھ دن علاج کے بعد حالت قدرے بہتر ہونے پر انہیں گھر منتقل کیا گیا، جہاں خصوصی طبی انتظامات کیے گئے تاکہ وہ اپنے خاندان کے درمیان رہ کر علاج کرا سکیں۔ حالانکہ مسلسل علاج اور نگرانی کے باوجود ان کی صحت بگڑتی رہی اور آج وہ زندگی کی جنگ ہار گئے۔

دھرمیندر کے گھر پر ایمبولینس اور ڈاکٹرز کی ٹیم ہر وقت موجود رہتی تھی، جبکہ فلم انڈسٹری کی کئی مشہور شخصیات بشمول سلمان خان، شاہ رخ خان اور گووندا نے اسپتال اور گھر پر جا کر ان کی خیریت دریافت کی تھی۔ ان کے انتقال کی خبر سنتے ہی پوری فلم انڈسٹری اور ان کے لاکھوں فینز سوگ میں ڈوب گئے۔

بھارت ایکسپریس۔