' ممبئی آ رہا ہے لارنس بشنوئی کا آدمی...'، سلمان کے گھر پر فائرنگ کے بعد کال موصول ہونے پر پولیس چوکس
رواں ماہ کی 14 تاریخ کی صبح سلمان خان کے گھر کے باہر فائرنگ ہوئی تھی۔ جس کی وجہ سے ان کا خاندان مکمل طور پر ہل گیا۔ اب سپر اسٹار کے والد سلیم خان نے اس حوالے سے بات کی ہے۔ سلیم خان نے اپنے بیٹے سلمان کو دھمکیاں دینے والوں کو ‘جاہل’ قرار دیاہے۔ انہوں نے یہ بھی بتایا کہ مہاراشٹر کے وزیر اعلی ایکناتھ شندے نے خان خاندان کو اضافی پولیس سیکورٹی دی ہے۔ سلیم خان نے کہا کہ ‘بات کرنے والی کیا بات ہے، یہ ان پڑھ لوگ ہیں جو کہتے ہیں کہ ماردیں گے تب پتہ چلے گا۔ ہمیں اضافی پولیس تحفظ فراہم کیا گیا ہے۔ انہوں نے (ممبئی پولیس) ہمیں اور ہمارے دوستوں کو تحفظ کی یقین دہانی کرائی ہے۔ اگر انہوں نے آج دو لوگوں کو گرفتار کیا ہے تو اس کا مطلب ہے کہ وہ کچھ بڑا کر رہے ہیں۔
سلیم خان نے یہ بھی بتایا کہ سلمان خان کو اپنے معمول کے شیڈول پر قائم رہنے کی ہدایت کی گئی ہے۔ انہوں نے یہ بھی کہا کہ چونکہ یہ معاملہ ابھی تک پولیس کے ہاتھ میں ہے اس لئے انہیں اس بارے میں عوام میں بات کرنے سے منع کیا گیا ہے۔16اپریل کو مہاراشٹر کے وزیر اعلی ایکناتھ شندے سلمان خان اور ان کے اہل خانہ سے ملنے گلیکسی اپارٹمنٹ پہنچے تھے۔ دونوں کی تصاویر بھی سامنے آئیں تھیں۔ اداکار کے والد سلیم خان بھی سلمان اور ایکناتھ شندے کے ساتھ نظر آئے تھے۔ وزیر اعلیٰ شندے نے کچھ دیر سلمان خان اور ان کے اہل خانہ سے بات کی۔ اس دوران انہوں نے اداکار کو یقین دلایا تھا کہ ان کی اور ان کے اہل خانہ کی سیکیورٹی میں اضافہ کیا جائے گا۔ انہوں نے یہ بھی کہا کہ وہ مہاراشٹر میں انڈر ورلڈ کی کسی بھی قسم کی سرگرمیوں کو برداشت نہیں کریں گے۔ چاہے وہ بشنوئی گینگ ہی کیوں نہ ہو۔
دراصل 14اپریل کو صبح 4.50 بجے دو نامعلوم افراد نے باندرہ میں سلمان خان کے گلیکسی اپارٹمنٹ کے باہر ہوا میں تین سے چار راؤنڈ فائر کیے تھے۔ فائرنگ کرنے والے دونوں موٹر سائیکل پر آئے اور پھر ہوا میں فائرنگ کرتے ہوئے فرار ہوگئے۔ کچھ دنوں بعد ان دونوں کو ممبئی پولیس نے پکڑ لیا۔ ان کے نام وکی گپتا اور ساگر پال بتائے گئے ہیں۔ پولیس نے تصدیق کی تھی کہ ان شوٹروں کا لارنس بشنوئی سے تعلق ہے جس نے سلمان خان کو جان سے مارنے کی دھمکی دی تھی۔اب اس سلسلے میں آگے کی کاروائی کی جارہی ہے۔
بھارت ایکسپریس۔
