پونم پانڈے کو سروائیکل کینسر کا برانڈ ایمبسڈر بنایا جاسکتا ہے۔
سروائیکل کینسرپر بیداری پھیلانے کے لئے اپنی موت کی فرضی خبرکا سہارا لینا اب پونم پانڈے کو بھاری پڑسکتا ہے۔ آل انڈیا سنے ورکرس ایسوسی ایشن (اے آئی سی ڈبلیواے) نے پونم پانڈے اوران کے منیجرکے خلاف پولیس میں شکایت دی ہے۔ شکایت میں پونم پانڈے اوران کے منیجر کے خلاف ایف آئی آردرج کرنے کا مطالبہ کیا گیا ہے۔
خط میں آل انڈیا سنے ورکرس ایسوسی ایشن نے کہا ہے کہ سروائیکل کینسرکی وجہ سے پونم پانڈے کی موت کی فرضی خبرسے ہندوستانی فلم انڈسٹری حیران رہ گئی تھی۔ اس فرضی نیوز کو پونم پانڈے نے پبلسٹی اسٹنٹ کے لئے تیارکیا تھا اوراسے ان کے منیجر نے کنفرم بھی کیا تھا۔ اس فرضی خبر نے ان تمام ہندوستانیوں کے جذبات کو مجروح کیا ہے، جنہوں نے انہیں خراج عقیدت پیش کی۔
کارروائی کا مطالبہ
خط میں تنظیم نے ممبئی کے وکرولی پولیس اسٹیشن کے سینئرپولیس انسپکٹرسے اپیل کی ہے کہ وہ شہرت حاصل کرنے کے لئے فرضی خبرپھیلانے پرپونم پانڈے اوران کے منیجر دونوں کے خلاف ایف آئی آر درج کریں۔ خط میں کہا گیا ہے کہ ان دونوں کے خلاف سخت کارروائی کی جائے تاکہ کوئی اورایسی حرکت نہ کرے۔
یہ بھی پڑھیں: Poonam Pandey 10 days Marriage: صرف 10 دنوں تک ہی چل پائی تھی پونم پانڈے کی شادی، شوہر پر لگایا تھا یہ بڑا الزا
کیا ہے پورا معاملہ
مشہورماڈل اوراداکارہ پونم پانڈے سے متعلق گزشتہ روز خبرآئی کہ سروائیکل کینسرکی وجہ سے ان کی موت ہوگئی ہے۔ پونم پانڈے کے انسٹا گرام اکاؤنٹ سے ان کے موت کی خبرکی تصدیق کی گئی۔ اس کے بعد انڈسٹری کے لوگ حیران ہوگئے۔ کئی لوگوں نے انہیں خراج عقیدت پیش کرنا شروع کردیا، لیکن ایک دن بعد ہی پونم پانڈے سامنے آئیں اورواضح کردیا کہ وہ زندہ ہیں۔ پونم پانڈے نے اپنے اس قدم پروضاحت دی۔ پونم پانڈے نے بتایا کہ وہ سروائیکل کینسر سے متعلق بیداری پھیلانا چاہتی تھیں، اس لئے انہوں نے ایسا قدم اٹھایا۔ حالانکہ انہوں نے ان لوگوں سے معافی بھی مانگی ہے، جن کا دل اس فرضی خبرسے مایوسی ہوئی ہے۔
