نئی دہلی :بالی ووڈ سپر اسٹار عامر خان کے بیٹے جنید خان کی دوسری تھیٹر ریلیز فلم ’ایک دن‘ باکس آفس پر بری طرح ناکام ثابت ہوئی ہے۔ فلم ریلیز کے صرف دو ہفتوں بعد ہی سینما گھروں سے ہٹا دی گئی۔ جنید خان اور ساؤتھ کی معروف اداکارہ سائی پلوی کی اس فلم کو ناظرین اور ناقدین دونوں کی جانب سے منفی ردعمل ملا، جس کا اثر اس کی کمائی پر صاف نظر آیا۔ہدایتکار سنیل پانڈے کی اس فلم سے کافی امیدیں وابستہ تھیں، خاص طور پر اس لیے کہ یہ سائی پلوی کی بالی ووڈ ڈیبیو فلم تھی۔ تاہم فلم نہ تو شائقین کو متاثر کر سکی اور نہ ہی باکس آفس پر کوئی بڑا کمال دکھا پائی۔
رپورٹس کے مطابق فلم ’ایک دن‘ نے پہلے دن صرف 1.15 کروڑ روپے کی اوپننگ کی، جو جنید خان کی پہلی تھیٹر ریلیز فلم ’لوویاپا‘ سے بھی کم تھی۔ ’لوویاپا‘ نے افتتاحی دن 1.25 کروڑ روپے کا کاروبار کیا تھا۔ اگر فلم کے مجموعی لائف ٹائم کلیکشن کی بات کی جائے تو اس نے صرف 4.30 کروڑ روپے کا نیٹ کلیکشن کیا، جبکہ گراس کلیکشن تقریباً 5.07 کروڑ روپے رہا۔فلم نے پہلے ہفتے میں تقریباً 4 کروڑ روپے کمائے، جبکہ دوسرے ہفتے میں اس کی کمائی گھٹ کر صرف 30 لاکھ روپے رہ گئی۔ کمزور اسکرپٹ، سست رفتار کہانی اور محدود پروموشن کو فلم کی ناکامی کی بڑی وجوہات مانا جا رہا ہے۔’ایک دن‘ کو تقریباً 25 کروڑ روپے کے بجٹ میں تیار کیا گیا تھا، لیکن فلم اپنی لاگت کا صرف 17 فیصد ہی وصول کر سکی۔ اس طرح پروڈیوسر عامر خان کو تقریباً 20.7 کروڑ روپے کا بھاری نقصان اٹھانا پڑا۔ فلم کو عامر خان کے ساتھ منصور خان اور اپرنا پروہت نے بھی پروڈیوس کیا تھا۔
جنید خان کے لیے یہ دوسرا بڑا جھٹکا ہے، کیونکہ ان کی پہلی فلم ’لوویاپا‘ بھی باکس آفس پر فلاپ رہی تھی۔ اس فلم نے مجموعی طور پر 7.69 کروڑ روپے کا لائف ٹائم کلیکشن کیا تھا۔ اس طرح جنید کی مسلسل دو فلمیں ناظرین کو متاثر کرنے میں ناکام رہی ہیں، جس کے بعد ان کے فلمی کریئر پر سوالات اٹھنے لگے ہیں۔’ایک دن‘ میں جنید خان اور سائی پلوی کے علاوہ کنال کپور، کووین دَوے اور ریشما شیٹی جیسے اداکار بھی اہم کرداروں میں نظر آئے۔ فلم یکم مئی کو سینما گھروں میں ریلیز ہوئی تھی۔دوسری جانب سائی پلوی اب اپنی آنے والی بڑی بجٹ فلم ’رامائن‘ کو لے کر خبروں میں ہیں۔ اس فلم میں وہ ماں سیتا کا کردار ادا کریں گی، جبکہ رنبیر کپور بھگوان رام کے رول میں نظر آئیں گے۔ شائقین کو اس فلم سے کافی امیدیں وابستہ ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
