لال قلعہ
Jai Hind Show at Red Fort: مرکزی وزیر داخلہ امت شاہ منگل کی شام دہلی کے لال قلعہ میں لائٹ اینڈ ساؤنڈ شو کا افتتاح کریں گے۔اس شو کا لوگوں کوکافی وقت سے انتظار تھا۔ لال قلعہ پر ‘جئے ہند’ کے عنوان سے ایک نئے اوتار میں لائٹ اینڈ ساؤنڈ شو کا انعقاد کیا جا رہا ہے۔ اس شو کے تحت 17ویں صدی سے لے کر آج تک ہندوستان کی تاریخ اور بہادری کی ڈرامائی پیشکش کی جائے گی۔
شو کو تین حصوں میں تقسیم کیا گیا
واضح رہے کہ تقریباً 5 سال کے وقفے کے بعد لال قلعہ میں لائٹ اینڈ ساؤنڈ شو نئے سرے سے شروع ہو رہا ہے۔ ایک گھنٹے طویل لائٹ اینڈ ساؤنڈ شو ‘جئے ہند’ کو تین حصوں میں تقسیم کیا گیا ہے۔ اس میں ہندوستان کی تاریخ کے اہم واقعات بشمول مراٹھوں کا عروج، 1857 کی جنگ آزادی، آزاد ہند فوج کا عروج اور آئی این اے کے ٹرائلز کی زندہ تصویر کشی کی جائے گی۔
Depiction of heritage like none other. Jai Hind – Coming Soon at The Red Fort.@MyDalmiaCement @DalmiaBharat @Dalmia_DBF @HippoStores#RedFort #RedFortIndia #JaiHindAtRedFort #SoundAndLightShow #Delhi #Travel pic.twitter.com/xemIh8rNL0
— Red Fort India (@Redfortindia_) January 9, 2023
ایک اہلکار نے بتایا کہ پرفارمنس آرٹ کی تمام شکلوں کا استعمال کرتے ہوئے جیسے پروجیکشن میپنگ، لائیو ایکشن فلمیں، لائٹ اور عمیق آواز، اداکار، رقاص اور کٹھ پتلی، جنگ آزادی کی اور گزشتہ 75 سالوں میں ہندوستان کی مسلسل ترقی کو پیش کیا جائے گا۔
یہ بھی پڑھیں-Nawazuddin Siddiqui met Amit Shah: نواز الدین صدیقی نے امت شاہ سےکی ملاقات
شو کو لے کر لوگوں میں ہے کافی جوش و خروش
‘آزادی کے امرت مہوتسو’ کے ایک حصے کے طور پر، آرکیالوجیکل سروے آف انڈیا نے پہلے ہی 4 میوزیم کھولے ہیں جن میں یاد جلیاں میوزیم، 1857 کا میوزیم، آزادی کے دیوانے اور لال قلعہ میں نیتا جی سبھاش چندر بوس میوزیم شامل ہیں۔ اب نیا لائٹ اینڈ ساؤنڈ شو سامعین میں حب الوطنی کے جذبے کو تقویت دے گا۔ اس شو کو لے کر لوگوں میں کافی جوش و خروش دیکھا گیا ہے۔ ساتھ ہی 700 لوگوں کے بیٹھنے کا انتظام کیا گیا ہے جو ایک بار شو کو دیکھ سکتے ہیں۔
An immersive visual extravaganza. Jai Hind – Sound & Light Show. COMING SOON!@MyDalmiaCement @DalmiaBharat @Dalmia_DBF @HippoStores#RedFort #RedFortIndia #JaiHindAtRedFort #SoundAndLightShow #Delhi #Travel pic.twitter.com/UbtHl05pLg
— Red Fort India (@Redfortindia_) January 9, 2023
مرکزی حکومت کا کہنا ہے کہ آرکیالوجیکل سروے آف انڈیا ان دنوں ملک بھر میں یادگاروں اور تاریخی مقامات کو شاندار بنانے کے لیے لگاتار کام کر رہا ہے۔اس طرح سیاحوں کی آمد و رفت میں اضافہ ہوا ہے۔
-بھارت ایکسپریس
