جھارکھنڈ کے وزیر اعلیٰ ہیمنت سورین نے اراکین اسمبلی کے ساتھ رانچی میں میٹنگ کی۔
انفورسمنٹ ڈائریکٹوریٹ (ای ڈی) کی ٹیم زمین گھوٹالہ معاملے میں گزشتہ دودنوں سے جھارکھنڈ کے وزیراعلیٰ ہیمنت سورین کی دہلی واقع رہائش گاہ سمیت رانچی میں تلاش کر رہی تھی، لیکن ان کے لوکیشن کا کچھ پتہ نہیں چل رہا تھا۔ اب ایسے میں آج (30 جنوری) کو دوپہرمیں وزیراعلیٰ ہیمنت سورین رانچی واقع اپنی رہائش گاہ پر پہنچے ہیں۔ یہاں اراکین اسمبلی کے ساتھ میٹنگ کی۔ ہیمنت سورین کی میٹنگ میں ان کی اہلیہ کلپنا سورین بھی موجود ہیں۔ اس سے پہلے ای ڈی نے کل یعنی 29 جنوری کو دہلی کے رہائش گاہ پردوبار چھاپہ ماری کی تھی اوران کی کاراپنے ساتھ لے گئی تھی۔
بتایا جا رہا ہے کہ وزیراعلیٰ ہیمنت سورین اپنی رہائش گاہ پرپہنچے ہیں۔ وہ 40 گھنٹے کے بعد اپنی رہائش پرپہنچے ہیں۔ حالانکہ وہ رانچی کب اورکیسے پہنچے، اس کو لے کرابھی تک کچھ واضح جانکاری سامنے نہیں آئی ہے۔ اس درمیان آج جھارکھنڈ میں سیاسی ہلچل تیز ہوتا ہوا دیکھ کررانچی میں تین مقامات پردفعہ 144 نافذ کردی گئی ہے۔ واضح رہے کہ وزیراعلیٰ کی رہائش گاہ، ای ڈی آفس اورراج بھون کے 100 میٹرکے دائرے میں دفعہ 144 نافذ کردی گئی ہے۔
Jharkhand CM Hemant Soren holds a meeting of the state’s ministers and ruling side’s MLAs at CM residence in Ranchi. pic.twitter.com/OVM4ig3qZ0
— ANI (@ANI) January 30, 2024
کل پیش ہونے کا دیا ہے وقت
ای ڈی نے گزشتہ ہفتے ہیمنت سورین کو نیا سمن جاری کیا تھا اور ان سے پوچھا تھا کہ وہ 29 جنوری یا 31 جنوری کے درمیان کب دستیاب رہ سکتے ہیں۔ ذرائع نے کہا کہ ہیمنت سورین نے ای ڈی کو میسیج بھیجا تھا، لیکن پوچھ گچھ کے لئے تاریخ اوروقت نہیں بتایا تھا۔ وہیں 27 جنوری کو وزیراعلیٰ ہیمنت سورین رانچی سے دہلی کے لئے روانہ ہوگئے تھے۔ اس کے بعد 27 جنوری کی دوپہرسے وزیراعلیٰ سامنے نہیں آئے۔ اس درمیان کل وزیراعلیٰ دفتر سے ای ڈی کو ایک میل بھیجا گیا ہے، جس میں 31 جنوری کو پیش ہونے کی بات کہی گئی ہے۔
#WATCH | Jharkhand CM Hemant Soren holds a meeting of the state’s ministers and ruling side’s MLAs at CM’s residence in Ranchi.
His wife Kalpana Soren is also present at the meeting. pic.twitter.com/oo2GJhZ0gi
— ANI (@ANI) January 30, 2024
دوبارہ پوچھ گچھ کرنا چاہتی ہے ای ڈی
ایجنسی نے 20 جنوری کو معاملے میں پہلی بار ہیمنت سورین کا بیان درج کیا تھا۔ ای ڈی کے افسران نے تقریباً سات گھنٹوں کے دوران منی لانڈرنگ کی روک تھام ایکٹ(پی ایم ایل اے) کے تحت بیان درج کیا تھا۔ مانا جاتا ہے کہاس دن پوچھ گچھ ختم نہیں ہوئی تھی، اس لئے نیا سمن جاری کیا گیا ہے۔ ایجنسی کے مطابق، یہ زمین گھوٹالہ سے متعلق معاملہ ہے۔ اس زمین کا مالکانہ حق مافیا کے پاس ہے۔ ای ڈی نے اب تک اس معاملے میں 14 افراد کو گرفتار کیا ہے، جس میں 2011 بیچ کے آئی اے ایس افسرچھوی رنجن بھی شامل ہیں۔
بھارت ایکسپریس۔
