پی ایم مودی پہنچے اتراکھنڈ کے دورے پر، پتھورا گڑھ کے پاروتی کنڈ میں کی پوجا
PM Modi Uttarakhand Visit: وزیر اعظم نریندر مودی جمعرات کو اتراکھنڈ کے ایک روزہ دورے پر پہنچے۔ وزیر اعظم اتراکھنڈ کے کماؤں علاقے میں کئی ترقیاتی پروجیکٹوں کا سنگ بنیاد رکھیں گے اور ایک جلسہ عام سے خطاب کریں گے۔
وزیر اعظم کے دفتر سے موصولہ اطلاع کے مطابق مودی اپنے دورے کا آغاز بھگوان شیو کے ٹھکانے اور جولنگ کانگ میں کیلاش چوٹی کے درشن سے کریں گے۔ اس کے بعد وزیر اعظم گنجی گاؤں جائیں گے جہاں وہ مقامی لوگوں اور سیکورٹی فورسز کے اہلکاروں سے ملاقات کریں گے۔
اتراکھنڈ کے لیے روانہ ہونے سے پہلے، وزیر اعظم نے کہا کہ “ہماری حکومت دیو بھومی اتراکھنڈ کے ہر فرد کی فلاح و بہبود اور ریاست کی تیز رفتار ترقی کے لیے پرعزم ہے۔ اس کو مزید رفتار دینے کے لیے میں پتھورا گڑھ میں کئی پروجیکٹوں کا افتتاح اور سنگ بنیاد رکھوں گا۔مجھےگنجی گاؤں کے لوگوں سے بات چیت کرنے کا بھی موقع ملے گا۔ میں روحانی طور پر اہم پاروتی کنڈ کے درشن کرنے اور جاگیشور دھام میں پوجا کرنے کا بھی منتظر ہوں۔”
سی ایم پشکر دھامی نے کیا استقبال
اتراکھنڈ کے سی ایم پشکر دھامی نے ٹویٹر پر لکھا کہ وزیر اعظم مودی کا اتراکھنڈ پہنچنے پر دل سے خیرمقدم! انہوں نے مزید انہیں مبارکباد بھی دی ۔ عزت مآب وزیر اعظم کا یہ دورہ تاریخی ہے جو ریاست کی روحانی سیاحت کو ایک نئی شناخت فراہم کرے گا اور ایک مضبوط اور خوشحال اتراکھنڈ کے وژن کو عملی جامہ پہنانے میں سنگ میل ثابت ہوگا۔
आदरणीय प्रधानमंत्री श्री @narendramodi जी के साथ पवित्र पार्वती कुंड, आदि कैलाश के दर्शन किए। इस शुभ अवसर पर मां पार्वती एवं देवाधिदेव महादेव की पूजा-अर्चना कर प्रदेशवासियों के सुख-समृद्धि की कामना की।#ModiInUttarakhand#AdiKailash pic.twitter.com/DBzDrSJO4S
— Pushkar Singh Dhami (@pushkardhami) October 12, 2023
میں مقدس پاروتی کنڈ کے درشن اور پوجا سے مغلوب ہوں – PM
پی ایم مودی نے فیس بک پر پوسٹ کیا اور لکھا کہ وہ اتراکھنڈ کے پتھورا گڑھ کے مقدس پاروتی کنڈ کے درشن اور پوجا سے متاثر ہیں۔ یہاں سے آدی کیلاش کے درشن سے ذہن بھی خوش ہوتا ہے۔ فطرت کی گود میں واقع روحانیت اور ثقافت کے اس مقام سے اپنے خاندان کے افراد کی خوشگوار زندگی کی خواہش کی۔
Glimpses from Parvati Kund, where PM @narendramodi prayed and took part in the Pooja. pic.twitter.com/gff2kHOeQw
— PMO India (@PMOIndia) October 12, 2023
یہ بھی پڑھیں- Delhi Air Quality: دہلی کی ہوا میں سانس لینا مشکل، منڈکا اور دلشاد گارڈن سمیت 12 مقامات پر AQI 200 سے کر گیا تجاوز
وزیر اعظم نریندر مودی نے فوجیوں سے کی ملاقات
وزیر اعظم نریندر مودی نے گنجی گاؤں میں اتراکھنڈ کے روایتی موسیقی کے آلات پر ہاتھ آزمایا۔ پی ایم مودی نے مقامی فنکاروں، ہندوستانی فوج، آئی ٹی بی پی اور بی آر او کے اہلکاروں سے بھی بات چیت کی۔
-بھارت ایکسپریس
