منی پور میں ایک بار پھر سے حالات کشیدہ ہوگئے ہیں ۔ یہی وجہ ہے کہ انتظامیہ نے تازہ ترین کشیدگی کو دیکھتے ہوئے26 ستمبرسے پانچ دنوں کے لیے انٹرنیٹ سروس معطل کر دی ہے۔ انٹرنیٹ کی یہ معطلی اتوار (یکم اکتوبر) کی شام 7.45 بجے تک جاری رہے گی۔ ریاست میں پانچ ماہ بعد ہی انٹرنیٹ سروس بحال ہوئی تھی ،لیکن حالات پھر سے خراب ہونے لگے ہیں جس کی وجہ سے انٹرنیٹ کو عارضی طور پر معطل کرنے کا فیصلہ لیا گیا ہے۔اس کے علاوہ ریاست کے تمام اسکول بھی تین دن کے لیے بند رہیں گے۔ ریاستی حکومت نے اعلان کیا کہ بدھ (27 ستمبر) اور 29 ستمبر (جمعہ) کو اسکولوں میں تعطیلات ہوں گی۔ جبکہ 28 ستمبر (جمعرات) کو عید میلادالنبی کی وجہ سے پہلے ہی سرکاری تعطیل ہے۔
PHOTO | Mobile internet services suspended for five days in #Manipur: Officials
The curbs will remain effective in the state till 7.45 pm on October 1. pic.twitter.com/TBd2R8N375
— Press Trust of India (@PTI_News) September 26, 2023
پھر کشیدگی کیوں شروع ہو گئی؟
منی پور سے جولائی سے لاپتہ دو طالب علموں کی لاشوں کی تصویریں پیر (25 ستمبر) کو سوشل میڈیا پر وائرل ہوئیں۔ اس کے بعد امپھال میں واقع اسکولوں اور کالجوں کے طلباء نے احتجاجی ریلیاں نکالیں۔ اس پر قابو پانے کے لیے پولیس نے لاٹھی چارج کیا اور 30 سے زائد طلبہ زخمی ہوگئے۔ اس کی وجہ سے ریاست میں ایک بار پھر کشیدگی بڑھ گئی ہے۔منی پور میں 3 مئی کو دو برادریوں کے درمیان تشدد شروع ہواتھا۔ اس کے بعد کئی قسم کی پابندیاں لگائی گئیں۔ تشدد میں اب تک تقریباً 175 افراد ہلاک اور ہزاروں بے گھر ہو چکے ہیں۔ سی بی آئی بھی گھناؤنے جرائم کے معاملے کی تحقیقات کر رہی ہے۔
❗️Several students injured in protest against cold blooded murder of their classmate Linthoingambi Hijam and Phijam Hemanjit #CrimesAgainstManipur #Manipur #ZRAXposed #KukiWarCrimes #Meitei #Justice4LinthoiHemanjit #ManipurFightsBack
❗️Why law Enforcement exist only in… pic.twitter.com/RiJZlxd4ek
— Meitei Heritage Society (@meiteiheritage) September 26, 2023
ادھر دوسری طرف سپریم کورٹ میں بھی اس پورے معاملے میں سماعت ہورہی ہے اور دو خواتین کو برہنہ کرکے گھمانے اور زیادتی کرنے کی وائرل ویڈیو پر مسلسل حکومت کو تنقیدوں کا نشانہ بنایا جارہا ہے۔ سینکڑوں کی تعداد میں ایف آئی آر درج کی گئیں ہیں اور ابھی بھی شکایتیں رپورٹ ہورہی ہیں ۔ قریب تین ماہ کے بعد بھی منی پور میں حالات پرامن ہوتے دکھائی نہیں دے رہے ہیں اور ناہی دونوں برادری کے بیچ دشمنی کا خاتمہ ہوتا دکھائی دے رہا ہے۔
بھارت ایکسپریس۔
