Murder in Muzaffarnagar: ہفتہ کی شام رتن پوری تھانہ علاقہ کے محمد پور مافی گاؤں میں YouTuber گلوکار فرمانی ناز کے چچیرےبھائی کو چاقو سے گود کرکے قتل کر دیا گیا۔ متوفی رات کا کھانا کھانے کے بعد گھر سے ٹہلنے کے لیے گیا تھا۔ مشتعل لوگوں نے ہنگامہ کرتے ہوئے کہا یہ قتل دوسری کمیونٹی کےلوگوں نےکیا ہے۔ پولیس نے معاملے کی تفتیش شروع کر دی ہے۔
رتن پوری تھانہ علاقہ کے مافی گاؤں کے رہنے والے 18 سالہ خورشید ولد ولی محمد مزدوری کرتا تھا۔ ہفتے کی شام کھانا کھانے کے بعد خورشید نماز پڑھنے گیا، وہاں سے وہ چہل قدمی کے لیے نکلا۔ جب وہ سلوا روڈ پر پہنچاتو پہلے سے گھات لگائے ہوئے تین سے چار بدمعاشوں نے خورشید پر چاقو سے حملہ کیا۔ زخمی خورشید نے موبائل فون پرگھروالوں کو اطلاع دی۔ گھر والوں نے خورشید کو سرکاری اسپتال میں داخل کرایا، جہاں اسے مردہ قرار دیا گیا۔ اس کے بعد گاؤں والوں نے سرکاری اسپتال پہنچ کر ہنگامہ کیا۔ اس نے ایک طرف کے لوگوں پر خورشید کے قتل کا الزام لگایا ہے۔ بتایا جاتا ہے کہ خورشید یوٹیوبر گلوکار فرمانی ناز کے کزن تھے۔
کھٹولی اسپتال میں ہنگامہ
یوٹیوبر گلوکار فرمانی ناز کے چحیرے بھائی کے قتل کے بعد گاؤں والوں نے کھٹولی کے سرکاری اسپتال میں ہنگامہ برپا کیا، لوگوں کو سمجھانے کے لیے موقع پر پولیس کی بھاری نفری تعینات کردی گئی۔ لوگوں کا الزام ہے کہ گاؤں کے ہی دوسری کمیونٹی نے قتل کیا ہے ۔ پولیس نے لوگوں کو یقین دلایا کہ واقعہ کا جلد پتہ چل جائے گا، اعلیٰ حکام موقع پر پہنچ گئے ہیں۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
