بی جے پی رکن پارلیمنٹ برج بھوشن سنگھ۔ (تصویر: فائل فوٹو)
Brij Bhushan Singh Bail: خواتین پہلوانوں سے استحصال معاملے میں ریسلنگ فیڈریشن آف انڈیا کے سابق صدر اور بی جے پی کے رکن پارلیمنٹ برج بھوشن شرن سنگھ کو بڑی راحت ملی ہے۔ انہیں 25,000 روپئے کے نجی مچلکے پرضمانت مل گئی ہے۔ ضمانت دیتے ہوئے عدالت نے شرط رکھی کہ برج بھوشن سنگھ بغیربتائے ہوئے ملک کے باہر نہیں جائیں گے۔ ساتھ ہی گواہوں کو بھی متاثرنہیں کریں گے۔
Rouse Avenue Court of Delhi grants regular bail to outgoing Wrestling Federation of India’s President Brij Bhushan Sharan Singh and the Federation’s assistant secretary Vinod Tomar Singh in the sexual harassment case registered on the basis of complaints of several wrestlers.
— ANI (@ANI) July 20, 2023
خواتین پہلوانوں کے ذریعہ جنسی استحصال کے الزامات کا سامنا کر رہے بی جے پی رکن پارلیمنٹ برج بھوشن سنگھ کے لئے آج کا دن کافی اہم تھا۔ دہلی کی راؤز ایوینیو کورٹ نے جمعرات کو برج بھوشن سنگھ کی ضمانت عرضی پر اپنا فیصلہ محفوظ کرلیا تھا۔ اس سے قبل برج بھوشن سنگھ عبوری ضمانت ملی تھی۔
