مہاکوی گوپال داس نیرج فاؤنڈیشن ٹرسٹ کی جانب سے دہلی کے پریس کلب آف انڈیا میں آج کاویانجلی سمان سماروہ پروگرام منعقد کیا گیا۔ جس میں دہلی ہائی کورٹ کے ایڈیشنل سالیسٹر جنرل چیتن شرما مہمان خصوصی کے بطور شامل ہوئے۔ وہیں مہمان اعزازی کے طور پر ٹرسٹ کے سرپرست اور بھارت ایکسپریس کے چیئرمین، ایم ڈی اور ایڈیٹر اِن چیف اپیندر رائے نے شرکت کی۔ اس کے علاوہ مشہور اداکار انو کپور اور راجپال یادو بھی اس پروگرام کی رونق بنتے نظرآئے۔
بتادیں کہ گیت غزلوں کے راجکمار کے نام سے مشہور گوپال داس نیرج کی آج برسی ہے۔ بالی ووڈ کو کئی سدا بہار گانے دینے والے تجربہ کار نغمہ نگار گوپال داس نیرج آج بھلے ہی اس دنیا میں نہیں ہیں لیکن شاعری، ادب اور فلمی دنیا میں ان کے کام نے انہیں لافانی کر دیا ہے۔ 19 جولائی 2018 کو گوپال داس نیرج نے آخری سانس لیکر اس دنیا کو ہمیشہ کے لیے الوداع کہہ دیا تھا۔ ایسے میں ہر کوئی انہیں اپنے اپنے طریقے سے یاد کر رہا ہے۔
महाकवि गोपालदास नीरज फाउंडेशन ट्रस्ट की ओर से दिल्ली के प्रेस क्लब ऑफ इंडिया में बुधवार को काव्यांज्जलि सम्मान समारोह कार्यक्रम आयोजित किया गया. कार्यक्रम में ट्रस्ट के संरक्षक और भारत एक्सप्रेस के चेयरमैन, एमडी व एडिटर-इन-चीफ @UpendrraRai हुए शामिल. दिल्ली हाई कोर्ट के एडिशनल… pic.twitter.com/uv4HpoR4Zo
— Bharat Express (@BhaaratExpress) July 19, 2023
گوپال داس ‘نیرج’ کی پیدائش 4 جنوری 1925 کو اٹاوہ ضلع کے مہیوا بلاک کے قریب پوراولی گاؤں میں ہوئی تھی۔ وہ پہلے شخص تھے جنہیں حکومت ہند نے تعلیم اور ادب کے میدان میں دو بار اعزاز سے نوازا۔ پہلی بار انہیں پدم شری سے نوازا گیا اس کے بعد انہیں پدم بھوشن سے نوازا گیا۔ وہیں انہیں فلموں میں بہترین گیت لکھنے پر لگاتار تین بار فلم فیئر ایوارڈ بھی ملا۔
بھارت ایکسپریس۔
