نائب وزیر اعلیٰ اجیت پوار سے ادھو ٹھاکرے نے ملاقات کی۔
مہاراشٹر کے سابق وزیراعلیٰ ادھو ٹھاکرے نے نائب وزیراعلیٰ اجیت پوار سے ملاقات کی ہے۔ واضح رہے کہ نائب وزیراعلیٰ بننے کے بعد پہلی بار دونوں نے ایک دوسرے کے ساتھ میٹنگ کی ہے۔ ادھوٹھاکرے کے بیٹے آدتیہ ٹھاکرے نے بھی اجیت پوار سے ملاقات کی ہے۔
ادھو ٹھاکرے نے دی ملاقات کی جانکاری
ودھان بھون کے کیبن میں دونوں لیڈران کی بات چیت ہوئی۔ ادھو ٹھاکرے نے میڈیا کو خطاب کرتے ہوئے کہا کہ میٹنگ کے دوران انہوں نے اجیت پوار سے ریاست کے شہریوں اورکسانوں پر توجہ مرکوز کرنے کی اپیل کی ہے۔ ادھو ٹھاکرے نے مزید کہا کہ اجیت پوار نے میرے ساتھ ڈھائی سال تک کام کیا ہے۔ اس سے مجھے ان کے کردار کے بارے میں معلوم ہے۔ واضح رہے کہ 14 جولائی کو اجیت پوار کو وزیرخزانہ کی ذمہ داری سونپی گئی ہے۔
#WATCH | Former Maharashtra CM Uddhav Thackeray meets Maharashtra Deputy CM Ajit Pawar, in Mumbai pic.twitter.com/RAIrI4SFWT
— ANI (@ANI) July 19, 2023
دوحصوں میں تقسیم ہوچکی ہیں دونوں پارٹیاں
واضح رہے کہ شیو سینا اور نیشنلسٹ کانگریس پارٹی (این سی پی) دونوں پارٹیاں، دو حصوں میں تقسیم ہوچکی ہیں۔ ایک طرف جہاں شیو سینا کا ایک گروپ مہاراشٹر کے وزیراعلیٰ ایکناتھ شندے کے ساتھ ہے تو وہیں دوسرا گروپ ادھو ٹھاکرے کے ساتھ ہے۔ اسی طرح سے این سی پی کا ایک گروپ شرد پوار کے ساتھ کھڑا ہے۔ وہیں این سی پی کے کئی لیڈراجیت پوار کے ساتھ کھڑے ہوئے ہیں۔
