منی پور نسلی تشدد کا معاملہ سپریم کورٹ پہنچ چکا ہے۔
Manipur Violence Internet Ban: منی پور کے فساد متاثرہ علاقوں میں انٹرنیٹ خدمات بحال کرنے کے ہائی کورٹ کے حکم کے خلاف ریاستی حکومت سپریم کورٹ پہنچ گئی ہے۔ ریاستی حکومت نے کہا ہے کہ صورتحال میں بار بار تبدیلی ہو رہی ہے۔ ابھی اس حکم پر عمل کرنا مشکل ہوسکتا ہے۔ منی پور تشدد معاملے پر ریاستی حکومت نے سپریم کورٹ میں اسٹیٹس رپورٹ رکھی۔ سالسٹرجنرل نے کہا، صورتحال میں سدھار ہو رہا ہے۔ اس وقت کسی بھی افواہ سے بچنا ضروری ہے۔
چیف جسٹس نے عرضی گزار سے کہا کہ اس رپورٹ کو دیکھ کر اپنی طرف سے مشورہ دیں۔ ہم کل سماعت کریں گے۔ سماعت کے دوران سینئر وکیل رنجیت کمار نے مطالبہ کیا کہ ڈرگس اور جرائم سے متعلق یو این رپورٹ کو بھی ریکارڈ پر لایا جائے۔ اس سے منی پور میں جو ہو رہا ہے، اسے سمجھنے میں مدد ملے گی۔
Supreme Court agrees to hear today, the Manipur government’s plea against the High Court order allowing the restoration of internet in the State. pic.twitter.com/5bDCX2EzB1
— ANI (@ANI) July 10, 2023
چیف جسٹس نے کہا کہ انہیں بھی اپنی بات رکھنے کا موقع ملا۔ عدالت معمول کی بحالی میں اپنا کردارادا کرنا چاہتی ہے۔ منی پور ٹرائبل فورم کے وکیل کولن گونسالویس نے کہا کہ کوکی قبائلیوں کو حکومت کی رہنمائی میں نشانہ بنایا جا رہا ہے۔ چیف جسٹس نے انہیں روکتے ہوئے کہا کہ امن وامان حکومت کا کام ہے۔ سپریم کورٹ اسے نہیں چلا سکتی۔ کل کی سماعت میں لوگوں کی مدد سے متعلق مشورہ دیجئے۔ منی پورمیں انٹرنیٹ کی بحالی کے معاملے پربھی کل سماعت ہوگی۔
بھارت ایکسپریس-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
