جموں وکشمیر کے وزیر اعلیٰ عمر عبداللہ۔ (فائل فوٹو)
جموں وکشمیرکے وزیراعلیٰ عمرعبداللہ نے کہا کہ مغربی بنگال میں ایک بہت بڑی غلطی ہوئی ہے اورکوئی بھی اس بات سے انکارنہیں کرسکتا۔ کئی رائے دہندگان کے نام ووٹرلسٹ سے نکال دیئے گئے ہیں۔ عدالت نے کہا ہے کہ وہ انتخابات کے بعد کیس کی سماعت کرے گی۔ اب سماعت کرنے کا کیا فائدہ؟ الیکشن توختم ہوچکے ہیں اوران لوگوں کو ووٹ ڈالنے کا موقع بھی نہیں ملا۔ اگربی جے پی جیتنا چاہتی تھی توجیت گئی۔ ہمیں انتظارکرکے دیکھنا ہوگا کہ ملک کے باقی حصوں میں کیا ہوتا ہے؟
جموں وکشمیرکے شوپیاں میں مدرسے کوسیل کرنے پرعمرعبداللہ خاموش ہیں۔ پی ڈی پی کے اس الزام پروزیراعلیٰ نے کہا کہ “میں اپنا کام کسی دوسری پارٹی کی ہدایات کے مطابق نہیں کرتا۔ جب مجھے کچھ کہنا ہوتا ہے تومیں کہتا ہوں۔ نہ میں خاموش ہوں اورنہ ہی میری حکومت خاموش ہے۔ جہاں بھی ایسے مسائل آتے ہیں، جن پرہمیں بولنا ہوتا ہے، ہم بولتے ہیں۔ یا توحکومت کی طرف سے یا تنظیم کی طرف سے۔”
نیشنل کانفرنس کے کچھ اراکین اسمبلی پارٹی چھوڑنے کی قیاس آرائیوں پروزیراعلیٰ عمرعبداللہ نے کہا، “اگرکچھ اراکین اسمبلی چھوڑکرجانے کی تیاری کررہے تھے توکیا میں یہاں تقریب میں بیٹھا ہوتا؟ یہ بے بنیاد باتیں ہیں، یہ وہی لوگ ہیں، جنہوں نے ان کی ہدایت کے مطابق راجیہ سبھا میں بی جے پی کی مدد کی، ہم یہ نہیں کہہ رہے ہیں۔ یہ معلومات کے حق کے تحت ثابت ہوا ہے۔ نیشنل کانفرنس میں ایسا کوئی ایم ایل اے نہیں ہے جوبی جے پی کی تنظیم میں مدد کرے۔”
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
