نئی دہلی: جامعہ اسکول ٹیچرز ایسوسی ایشن کے سکریٹری حارث الحق نے بروز پیر 9 مارچ کونئی دہلی میں ایران کے سفارت خانے کا دورہ کیا ۔انھوں نے ایرانی سفیر ڈاکٹرمحمد فتح علی اورنائب سفیر جناب جاوید حسینی سے ملاقات کرکےایران کے مذہبی و سپریم رہنما آیت اللہ سید علی خامنہ ای کی شہادت پر تعزیتی کلمات کہے اور انھیں خراجِ عقیدت پیش کیا ۔ جامعہ اسکول ٹیچرزایسوسی ایشن کے سکریٹری کی حیثیت سے حارث الحق نے جامعہ برادری کی جانب سے ایرانی عوام کے ساتھ ہمدردی اور تعزیت کا اظہار کرتے ہوئےایک تحریری خط پیش کیا۔ایران پر ہونے والے حالیہ حملوں میں ایرانی سپریم لیڈر آیت علی خامنہ ای کے انتقال پر گہرے رنج وغم کا اظہار کرتے ہوئے حارث الحق نے امن اور مکالمے پر زور دیا نیز ایرانی قوم کے صبر و عظم اور اُن کے بلند حوصلے کو سراہا۔
جنگ کے بجائے مکالمہ ہی مسائل کا حل
جنگ اور بڑھتے ہوئے تشدد کے تناظر میں اس بات پر زور دیا گیا کہ اختلافات اور تنازعات کا حل جنگ نہیں بلکہ مکالمہ اور باہمی بات چیت ہے۔ بیان میں واضح کیا گیا کہ دنیا کو نفرت اور جنگ کے راستے سے ہٹ کر امن اور مفاہمت کی طرف بڑھنا چاہیے۔ بیان میں جاری تشدد اور جنگ کی سخت مذمت کرتے ہوئے فوری طور پر لڑائی بند کرنے اور امن کے قیام کی ضرورت پر زور دیا گیا۔ بیان میں یہ بھی کہا گیا کہ جنگ سے سب سے زیادہ نقصان عام شہریوں کو ہوتا ہے، اس لیے عالمی برادری کو انسانی جانوں کے تحفظ کو اولین ترجیح دینی چاہیے۔ اس موقع پر جنگ کے متاثرین اور ان کے اہل خانہ کے ساتھ گہری ہمدردی اور یکجہتی کا اظہار بھی کیا گیا۔ بیان کے اختتام پر امید ظاہر کی گئی کہ جلد ہی تشدد اور جنگ کا خاتمہ ہوگا اور دنیا امن، استحکام اور باہمی احترام کے راستے پر آگے بڑھے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
