پٹنہ: بہار حکومت میں آبی وسائل کے وزیر وجے کمار چودھری نے وزیر اعلیٰ نتیش کمار کے راجیہ سبھا جانے کی قیاس آرائیوں پر ردعمل دیتے ہوئے کہا کہ اس بارے میں جو بھی فیصلہ ہوگا وہ صرف نتیش کمار کی مرضی سے ہوگا۔ انہوں نے واضح کیا کہ فیصلے وہی لیتے ہیں اور آئندہ بھی وہی لیں گے، اس لیے حتمی فیصلہ بھی انہی کی خواہش کے مطابق ہوگا۔ پٹنہ میں میڈیا سے گفتگو کرتے ہوئے وجے کمار چودھری نے کہا کہ نتیش کمار کے راجیہ سبھا جانے کے حوالے سے بات چیت ضرور چل رہی ہے، لیکن اس پر آخری فیصلہ خود وزیر اعلیٰ کو ہی کرنا ہے۔
نتیش کمار کے بیٹے نتیش کمار کو پارٹی میں بڑی ذمہ داری ملنے کے سوال پر وزیر نے کہا کہ نشانت کے سیاست میں آنے کی بات تیزی سے آگے بڑھ رہی ہے۔ انہوں نے کہا کہ پارٹی کے کارکنان اور لیڈر چاہتے ہیں کہ نشانت سیاست میں قدم رکھیں۔ انہوں نے مزید کہا کہ نشانت نوجوان اور تعلیم یافتہ ہیں اور بہت سے لوگ ان میں قیادت کی صلاحیت دیکھتے ہیں۔ پارٹی کے کارکنان اور لیڈران کی خواہش ہے کہ وہ سیاست میں آئیں اور پارٹی کی سرگرمیوں میں فعال کردار ادا کریں۔
رام نارتھ ٹھاکر کے راجیہ سبھا جانے کے سوال پر وجے کمار چودھری نے کہا کہ جب وقت آئے گا تو دونوں کے نامزدگی کے کاغذات ایک ساتھ جمع کیے جائیں گے۔ نشانت کمار کے جنتا دل (یونائیٹڈ) میں شامل ہونے کے بارے میں انہوں نے کہا کہ یہ صرف ایک تکنیکی معاملہ ہے۔ انہوں نے وضاحت کی کہ نشانت کسی دوسری سیاسی جماعت میں شامل نہیں ہیں، اس لیے انہیں باقاعدہ شامل کرنے کا معاملہ صرف رسمی نوعیت کا ہے۔
جلد ہی عملی سیاست میں قدم رکھ سکتے ہیں نشانت
وزیر نے کہا کہ پارٹی کے تمام لیڈر اور کارکن چاہتے ہیں کہ نشانت جلد از جلد پارٹی میں آئیں اور سرگرمی کے ساتھ پارٹی کی سیاسی سرگرمیوں میں حصہ لیں۔ واضح رہے کہ بہار کے وزیر اعلیٰ نتیش کمار کے بیٹے نشانت کمار کے سیاست میں آنے کی مانگ کافی عرصے سے کی جا رہی ہے۔ اب جنتا دل (یونائیٹڈ) کے اندر اس بات کے اشارے ملنے لگے ہیں کہ نشانت جلد ہی عملی سیاست میں قدم رکھ سکتے ہیں۔
جے ڈی یو سے راجیہ سبھا رکن بن سکتے ہیں نشانت
یہاں تک کہ یہ بھی قیاس آرائیاں کی جا رہی ہیں کہ نشانت کمار جے ڈی یو کے ٹکٹ پر راجیہ سبھا کے رکن بن سکتے ہیں۔ دراصل پارٹی کے کارکنان کافی عرصے سے نشانت کو سیاست میں لانے کا مطالبہ کر رہے ہیں۔
پوری پارٹی چاہتی ہے کہ فعال سیاست میں آئیں نشانت
اس دوران، بہار حکومت کے وزیر اشوک چودھری نے منگل کے روز کہا کہ پوری پارٹی چاہتی ہے کہ نشانت فعال سیاست میں آئیں۔ انہوں نے کہا کہ ہولی کے موقع پر اس سے بڑی خوشی اور کیا ہو سکتی ہے کہ نشانت سیاست میں آنے والے ہیں۔ ان کے مطابق یہ بہار کے لیے ایک مثبت قدم ہوگا۔
بہت جلد سیاست میں داخل ہونے والے ہیں نشانت کمار
ادھر وزیر شرون کمار نے بھی واضح طور پر کہا ہے کہ نتیش کمار کے بیٹے نشانت کمار بہت جلد سیاست میں داخل ہونے والے ہیں اور وہ جلد ہی فعال سیاسی کردار ادا کریں گے۔ انہوں نے کہا کہ یہ خبر ہولی کے موقع پر ریاست کے عوام اور خاص طور پر ان نوجوانوں کے لیے خوشی کا باعث ہے جو طویل عرصے سے نشانت کمار کو سیاست میں دیکھنے کی خواہش رکھتے ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
