Delhi’s air quality: دہلی میں فضائی آلودگی میں اضافہ، اے کیو آئی 267 تک پہنچ گیا، صورتحال ’’خراب‘‘ درجے میں

نئی دہلی: قومی دارالحکومت دہلی میں منگل کی صبح فضائی معیار مزید خراب ہو گیا، جہاں ایئر کوالٹی انڈیکس (AQI) 267 ریکارڈ کیا گیا، جو ’خراب‘ (Poor) زمرے میں آتا ہے۔ یہ جانکاری مرکزی آلودگی کنٹرول بورڈ (CPCB) نے دی۔ ایک دن قبل دہلی میں اے کیو آئی 206 درج کیا گیا تھا، جو اس وقت بھی ’خراب‘ زمرے میں شامل تھا، تاہم منگل کو اس میں مزید اضافہ دیکھا گیا۔

مختلف علاقوں میں اسموگ کی تہہ

دہلی کے کئی علاقوں میں اسموگ کی واضح تہہ دیکھی جا رہی ہے، جس سے خاص طور پر سانس کی بیماریوں میں مبتلا افراد کے لیے تشویش بڑھ گئی ہے۔ سی پی سی بی کے اعداد و شمار کے مطابق مختلف علاقوں میں اے کیو آئی کی سطح کچھ اس طرح رہی: آنند وہار 317، بوانا 333، چاندنی چوک 280، دوارکا سیکٹر-8 252، آئی جی آئی ایئرپورٹ (ٹی-3) 192، آئی ٹی او 277، نریلا 344، پنجابی باغ 277، آر کے پورم 296، وزیرپور 339 اور روہنی 335۔ انڈیا گیٹ اور کرتویہ پتھ کے آس پاس 277 اے کیو آئی ریکارڈ کیا گیا، جبکہ ایمس میں یہ 296 رہا۔ اکشردھام مندر کے علاقے میں اے کیو آئی 317 درج ہوا، جو ’انتہائی خراب‘ (Very Poor) زمرے میں آتا ہے۔

اے کیو آئی کی درجہ بندی

اے کیو آئی کی درجہ بندی کے مطابق 0 تا 50 — اچھا، 51 تا 100 — تسلی بخش، 101 تا 200 — معتدل، 201 تا 300 — خراب، 301 تا 400 — انتہائی خراب اور 401 تا 500 — شدید خراب کے زمرے میں آتا ہے۔

درجہ حرارت اور موسمی حالات

بھارتی محکمۂ موسمیات (آئی ایم ڈی) کے مطابق دہلی میں درجہ حرارت تقریباً 10.4 ڈگری سیلسیس ریکارڈ کیا گیا۔ اتوار کے روز صبح 7 بجے درجہ حرارت 10 ڈگری سیلسیس رہا، فضا میں دھند چھائی رہی، نمی 97 فیصد اور ہوا کی رفتار صفر کلومیٹر فی گھنٹہ ریکارڈ کی گئی۔ گزشتہ روز منڈکا میں اے کیو آئی 276، شدی پور 282، نہرو نگر 269، روہنی 255، بوانا 256، جہانگیر پوری 252، وزیرپور 251، اشوک وہار 243، نریلا 229، وویک وہار 228، پُوسا 227، سری فورٹ 224 اور چاندنی چوک 192 درج کیا گیا۔  دوسری جانب سری اوروبندو مارگ میں اے کیو آئی 129 ریکارڈ ہوا، جبکہ لودھی روڈ (139)، میجر دھیان چند اسٹیڈیم (144)، مندِر مارگ (148)، آئی آئی ٹی دہلی (149)، آیا نگر (165) اور آئی جی آئی ایئرپورٹ (177) میں ہوا کا معیار نسبتاً بہتر رہا۔

بھارت ایکسپریس اردو۔