T20 World Cup 2026: بھارت کے خلاف 15 فروری کو نہیں کھیلے گا پاکستان، کولمبو میں اس میچ کا شائقین کو بے صبری سے تھا انتظار

نئی دہلی :ٹی20 ورلڈ کپ 2026 میں پاک بھارت ٹاکرا منسوخ، بھارت کے خلاف ٹی20 ورلڈ کپ 2026 کا میچ نہ کھیلنے کے پاکستانی فیصلے پر بین الاقوامی کرکٹ میں  ایک نیا تنازع ہوا شروع۔ پاکستانی کرکٹ ٹیم نے واضح کر دیا ہے کہ وہ بھارت کے خلاف طے شدہ میچ میں میدان میں نہیں اترے گی، اسٹیڈیم میں کپتان سوریہ کمار یادیو ٹاس کے لیے میدان میں رہیں گے موجود، لیکن پاکستان کا گراؤنڈ پر نہ آنا اس کی ہار کو یقینی بنا دئے گا۔  جس کے بعد آئی سی سی نے بھی اس معاملے پر خاموشی توڑ دی ہے اور کارروائی کے امکانات ظاہر کیے جا رہے ہیں۔ دونوں ٹیموں کے درمیان یہ ہائی وولٹیج میچ 15 فروری کو کولمبو کے آر پریماداسا اسٹیڈیم میں کھیلا جانا تھا، جس کا شائقین کو بے صبری سے انتظار تھا۔میڈیا رپورٹس کے مطابق پاکستانی حکومت نے ٹیم کو ٹی20 ورلڈ کپ میں شرکت کی اجازت تو دی ہے، لیکن کچھ شرائط کے ساتھ۔ اگرچہ بھارت کے خلاف میچ نہ کھیلنے کی وجہ واضح نہیں کی گئی، قابل ذکر بات یہ ہےکہ  ذرائع کا کہنا ہے کہ یہ فیصلہ بنگلہ دیش کے ساتھ یکجہتی کے اظہار کے طور پر لیا گیا ہے۔ خیال کیا جا رہا ہے کہ پاکستان کرکٹ بورڈ اسی وجہ سے بھارت کے خلاف میچ کا بائیکاٹ کر رہا ہے۔

سلمان علی آغا کی قیادت میں پاکستانی ٹیم ٹی20 ورلڈ کپ 2026 میں بھارت، نامیبیا، نیدرلینڈز اور امریکہ کے ساتھ گروپ اے میں شامل ہے۔ پاکستان اپنا پہلا میچ سات فروری کو کولمبو میں نیدرلینڈز کے خلاف کھیلے گا۔ اس تنازع کی جڑ اس وقت مضبوط ہوئی جب بنگلہ دیش کرکٹ بورڈ نے سکیورٹی خدشات کا حوالہ دیتے ہوئے اپنے میچ بھارت سے باہر منتقل کرنے کا مطالبہ کیا تھا، جسے آئی سی سی نے مسترد کر دیا۔ بعد ازاں بنگلہ دیش کو ٹورنامنٹ سے باہر کر دیا گیا اور اس کی جگہ اسکاٹ لینڈ کو شامل کیا گیا۔پاکستانی حکومت کے سرکاری ایکس اکاؤنٹ پر جاری بیان میں کہا گیا کہ اسلامی جمہوریہ پاکستان کی حکومت ٹی20 ورلڈ کپ 2026 میں قومی ٹیم کی شرکت کی اجازت دیتی ہے، قابل ذکر بات یہ ہےکہ  15 فروری کو بھارت کے خلاف میچ کے لیے ٹیم میدان میں نہیں اترے گی۔ اس بیان کے بعد کرکٹ حلقوں میں شدید ردعمل دیکھنے میں آ رہا ہے۔

اس سے قبل ہفتے کے آغاز میں پی سی بی چیئرمین محسن نقوی نے وزیر اعظم شہباز شریف سے ملاقات کی تھی، جس کے بعد کہا گیا تھا کہ پاکستان کی شرکت پر حتمی فیصلہ 30 جنوری یا 2 فروری کو ہوگا۔ لیکن یہ اعلان ایک دن پہلے ہی کر دیا گیا، جس سے آئی سی سی اور ٹورنامنٹ منتظمین کو نئی مشکل کا سامنا کرنا پڑا ہے، کیونکہ بھارت اور پاکستان کے درمیان میچ سے سب سے زیادہ آمدنی حاصل ہوتی ہے۔قابل ذکر بات یہ ہے کہ پاکستان نے ٹی20 ورلڈ کپ کے لیے اپنی ٹیم کی جرسی کی لانچنگ بھی مؤخر کر دی تھی۔ اس وقت یہ سمجھا جا رہا تھا کہ ٹیم کی شرکت پر حتمی فیصلہ ہونے کے بعد ہی جرسی لانچ کی جائے گی، لیکن اب اس فیصلے نے پورے ٹورنامنٹ کو ایک نئے تنازع میں دھکیل دیا ہے۔

بھارت ایکسپریس اردو