کانگریس لیڈر راہل گاندھی
Karnataka Election: کانگریس لیڈر راہل گاندھی کرناٹک اسمبلی انتخابات کی مہم کے دوران تمکورو پہنچے تھے۔ یہاں انہوں نے ایک انتخابی ریلی سے خطاب کیا۔ اس دوران انہوں نے پی ایم مودی اور بی جے پی کو نشانہ بنایا۔ راہل گاندھی نے کہا کہ کرناٹک کی عوام نے گزشتہ انتخابات میں بی جے پی کو منتخب نہیں کیا تھا۔ بی جے پی نے کرناٹک میں ایم ایل ایز کو پیسے دے کر جمہوریت کو تباہ کرکے حکومت چوری کی تھی۔
تمکورو میں جلسہ عام سے خطاب کرتے ہوئے راہل گاندھی نے کہا کہ پچھلے 3 سالوں سے بی جے پی نے کرناٹک میں صرف بدعنوانی کی ہے۔ کرناٹک کی عوام نے بی جے پی کی حکومت کو 40% کی حکومت قرار دیا ہے، جس کا مطلب ہے کہ وہ جو بھی کام کرتے ہیں، عوام سے 40% کمیشن چوری کرتے ہیں۔
پی ایم مودی پر نشانہ لگاتے ہوئے راہل گاندھی نے کہا، ’’وزیراعظم کرناٹک آتے ہیں، لیکن صرف اپنے بارے میں بات کرتے ہیں۔ پی ایم مودی بتائیں کہ آپ نے گزشتہ 3 سالوں میں کرناٹک کے لیے کیا کیا ہے اور آپ ریاست میں تعلیم، صحت اور نوجوانوں کے لیے کیا کریں گے؟ یہ انتخاب آپ کے بارے میں نہیں ہے، یہ کرناٹک کے مستقبل کے بارے میں ہے۔
یہ بھی پڑھیں- Weather Update: دہلی-این سی آر میں تیز ہواؤں کے ساتھ بارش نے دی گرمی سے راحت، جانیں کیسا رہے گا اگلے 5 دن موسم
اذان کی آواز سن کر راہل گاندھی نے روکی اپنی تقریر
کانگریس لیڈر نے کہا، “آپ کہتے ہیں کہ کانگریس نے آپ کو 91 بار گالی دی، لیکن وہ کبھی نہیں کہتے کہ آپ نے کرناٹک کے لیے کیا کیا؟” تمکورو میں جلسہ عام سے خطاب کرتے ہوئے راہل گاندھی نے اذان کی آواز سن کر اپنی تقریر روک دی۔ اس کے بعد جب اذان ہوئی تو انہوں نے اپنی تقریر شروع کی۔
واضح رہے کہ کانگریس صدر ملکارجن کھڑگے نے وزیر اعظم نریندر مودی پر قابل اعتراض تبصرہ کیا تھا، جس کا وزیر اعظم نے کرناٹک میں ایک انتخابی ریلی میں جواب دیا۔ ملکارجن کھڑگے کے ‘زہریلے سانپ’ والے تبصرے پر کانگریس کو نشانہ بناتے ہوئے پی ایم نریندر مودی نے کہا تھا کہ کانگریس اور اس کے لیڈروں نے اب تک مختلف طریقوں سے 91 بار ان کی تذلیل کی ہے۔ کانگریس پر حملہ کرتے ہوئے وزیر اعظم نے کہا کہ لوگ ان کی زیادتیوں کا جواب ووٹ سے دیں گے اور وہ (کانگریس لیڈر) جتنا کیچڑ بھارتیہ جنتا پارٹی (بی جے پی) پر پھینکیں گے، اتنا ہی کمل کھلے گا۔
-بھارت ایکسپریس
