نئی دہلی: مہاراشٹر اسمبلی انتخابات کے نتائج سے قبل سیاسی جماعتوں میں ہلچل تیز ہوگئی ہے۔ ہفتہ (23 نومبر) کو نتائج آنے سے پہلے مہاویکاس اگھاڑی کے لیڈروں نے ہوٹل حیات میں ایک اہم میٹنگ کی۔ مانا جا رہا ہے کہ ایم وی اے نے نتیجہ سے قبل تمام پہلوؤں پر بات کی ہے۔
اس میٹنگ کے بعد این سی پی شرد پوارخیمہ کے لیڈرجینت پاٹل اور کانگریس پارٹی کے لیڈر بالا صاحب تھوراٹ ادھوٹھاکرے ملاقات کے لئے ماتو شری پہنچے۔ ہوٹل حیات میں منعقدہ ایم وی اے میٹنگ کے اختتام کے بعد شیوسینا یو بی ٹی لیڈر سنجے راوت، شرد پوار خیمہ کے لیڈ ر جینت پاٹل اور کانگریس لیڈر بالاصاحب تھوراٹ ایک ہی گاڑی میں روانہ ہوئے۔
Mumbai | Congress leader Balasaheb Thorat says, ” We held a meeting today and we are confident that we will win this assembly election, we discussed with Uddhav Thackeray and Sharad Pawar today. If anyone wants to come we welcome them and it’s a positive environment we are… https://t.co/hMs5LZ3d3n pic.twitter.com/7jPau0YLhf
— ANI (@ANI) November 21, 2024
ایگزٹ پول میں ایم وی اے کو جھٹکا
واضح رہے کہ مہاراشٹر اور جھارکھنڈ میں اسمبلی انتخابات کے لیے ووٹنگ مکمل ہونے کے بعد سامنے آنے والے بیشتر ایگزٹ پولز میں بی جے پی کی قیادت والے اتحاد کو اکثریت ملنے کا امکان ہے۔ میٹریس کے ایگزٹ پول کے مطابق مہایوتی کو 150-170 سیٹیں مل سکتی ہیں اور ایم وی اے کو 110-130 سیٹیں مل سکتی ہیں۔
لوکشاہی مراٹھی-رودر کے ایگزٹ پول میں کہا گیا ہے کہ مہاراشٹرا میں 128-142 سیٹیں ملنے پر مہا یوتی اقتدار برقرار رکھ سکتی ہے۔ ایم وی اے کو 125-140 نشستیں اور دیگر کو 18-23 نشستیں ملنے کا اندازہ ہے۔
پی مارک کے ایگزٹ پول نے اندازہ لگایا ہے کہ مہایوتی کو 137-157 سیٹیں مل سکتی ہیں اور ایم وی اے کو 126-146 سیٹیں مل سکتی ہیں۔ پیپلز پلس کے ایگزٹ پول کا اندازہ ہے کہ مہایوتی 175-195 سیٹیں حاصل کرکے مضبوط اکثریت کے ساتھ حکومت بنائے گی۔ اس کے ساتھ ہی ایم وی اے کو 85-112 سیٹیں ملنے کا اندازہ ہے۔
23 نومبر کو آئیں گے نتائج
واضح رہے کہ مہاراشٹر میں بی جے پی، شیوسینا اور نیشنلسٹ کانگریس پارٹی کے اتحاد مہا یوتی اور کانگریس، شیوسینا یو بی ٹی اور نیشنلسٹ کانگریس پارٹی شرد چندر پوار کے اتحاد مہا وکاس اگھاڑی کے درمیان مقابلہ ہے۔ بدھ کو مہاراشٹر کی تمام 288 اسمبلی سیٹوں پر ووٹنگ ہوئی۔ ووٹوں کی گنتی 23 نومبر کو ہوگی۔
بھارت ایکسپریس۔
