نئی دہلی: بھارت کیسری منتھو پدمانابھن کی جینتی کے موقع پر مرکزی وزیر داخلہ امت شاہ، کیرالہ کے گورنر اور بی جے پی کے کئی سینئر لیڈروں نے انہیں خراجِ عقیدت پیش کیا۔ اس موقع پر لیڈروں نے منتھو پدمانابھن کی سماجی اصلاحات، قوم پرستی اور مساوی سماج کے لیے کی گئی جدوجہد کو یاد کرتے ہوئے کہا کہ ان کی وراثت آج بھی ایک متحد اور مضبوط بھارت کی تعمیر کے لیے تحریک فراہم کرتی ہے۔ مرکزی وزیر داخلہ امت شاہ نے سوشل میڈیا پلیٹ فارم ’ایکس‘ پر اپنے پیغام میں لکھا کہ بھارت کیسری منتھو پدمانابھن ایک دانا سماجی مصلح اور سچے محبِ وطن تھے۔ انہوں نے کہا کہ پدمنابھن نے کیرالہ میں سماج کے اعلیٰ اقدار کو مضبوط کرنے کے لیے اپنی پوری زندگی وقف کر دی اور سماجی برائیوں کے خلاف مسلسل جدوجہد کے ذریعے ایک منصفانہ اور مساوی سماج کی بنیاد رکھی۔ امت شاہ کے مطابق، ان کی جدوجہد اور افکار آج بھی ہمیں ایک متحد اور طاقتور بھارت کی سمت آگے بڑھنے کی ترغیب دیتے ہیں۔
On the Jayanti of Bharat Kesari Mannath Padmanabhan Ji, I bow to the sagacious social reformer.
A devout patriot Padmanabhan Ji dedicated himself to strengthening the highest values of the society in Kerala and paved the way for a fair and equitable society through his lifelong… pic.twitter.com/EwwXJDF5R7
— Amit Shah (@AmitShah) January 2, 2026
اس موقع پر کیرالہ کے گورنر راجندر وشوناتھ آرلیکر نے بھی منتھو پدمانابھن کو خراجِ عقیدت پیش کیا۔ انہوں نے کہا کہ نائر سروس سوسائٹی کے بانی کے طور پر منتھو پدمانابھن کا دوراندیش قیادت کا کردار اور ایک ترقی پسند سماجی مصلح کی حیثیت سے ان کی خدمات ہمیشہ یاد رکھی جائیں گی۔ گورنر نے کہا کہ انہوں نے سماج میں اصلاح، تعلیم اور بیداری کے ذریعے تبدیلی کی ایک مضبوط مثال قائم کی۔
کیرالہ بی جے پی کے صدر اور سابق مرکزی وزیر راجیو چندر شیکھر نے بھی منتھو پدمانابھن کی جینتی پر انہیں خراجِ عقیدت پیش کیا۔ انہوں نے اپنے پیغام میں لکھا کہ بھارت کیسری، مجاہدِ آزادی، سماجی مصلح اور نائر سروس سوسائٹی کے بانی منتھو پدمانابھن ایک عظیم شخصیت تھے جنہوں نے سماجی عدم مساوات کو چیلنج کیا اور تنظیم و تعلیم کے ذریعے برادری کے خود احترام کو مضبوط کیا۔ ان کے مطابق، پدمنابھن کی زندگی اور وراثت آنے والی نسلوں کو ایمان، حوصلے اور ہمدردی کے ساتھ اصلاح کی راہ پر چلنے کی ترغیب دیتی رہے گی۔
بی جے پی کی کیرالہ یونٹ نے بھی ’ایکس‘ پر ایک پوسٹ میں منتھو پدمانابھن کو خراجِ عقیدت پیش کرتے ہوئے کہا کہ وہ ایک سچے کرم یوگی تھے جنہوں نے کیرالہ کے نشاۃِ ثانیہ کی سوچ کو شکل دینے میں اہم کردار ادا کیا۔ پارٹی کے مطابق، انہوں نے توہم پرستی اور سماجی برائیوں کے خلاف جدوجہد کرتے ہوئے معاشرے کو ایک نئی سمت دی۔ بی جے پی نے مزید کہا کہ منتھو پدمانابھن کی زندگی کیرالہ کو ثقافتی شعور اور سماجی بیداری کی طرف لے جانے کی ایک درخشاں مثال ہے، اور ان کی یادیں ہمیشہ احترام کے ساتھ زندہ رہیں گی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
