پالیوشن سرٹیفکیٹ نہیں تو نہیں ملے گا ڈیژل اورپٹرول، گاڑی بی-6 نہیں تو ہوگی ضبط، دہلی حکومت کا بڑا اعلان

نئی دہلی: آلودگی کے حوالے سے دہلی کی حالت خراب ہے۔ اس دوران دہلی حکومت نے کچھ سخت قدم اٹھائے ہیں۔ دہلی حکومت نے اعلان کیا ہے کہ جن گاڑیوں کے پاس آلودگی کا سرٹیفکیٹ نہیں ہے ان کوجمعرات (18 دسمبر) سے پٹرول نہیں دیا جائے گا۔ اس کا مطلب ہے کہ گاڑی میں ایندھن بھرنے کے لیے آلودگی کا سرٹیفکیٹ (پی یوسی سی) ضروری ہوگا۔ حکومت نے کہا ہے کہ اگربی ایس-6 سے کم گاڑی (دہلی کے باہرکی گاڑی) آتی ہے توایسی گاڑیوں کوجمعرات سے سیل کردیا جائے گا، چاہے وہ پرائیویٹ ہی کیوں نہ ہوں۔ اگرکوئی ٹرک دہلی کے اندرتعمیراتی سامان لاتا ہے تواس ٹرک کوسیل کردیا جائے گا۔ گاڑیوں کا پولوشن سرٹیفکیٹ چیک کرنے کے لئے کیمروں کا استعمال کیا جائے گا۔

وزیرماحولیات منجندرسنگھ سرسا نے کہا کہ دہلی میں آلودگی کی صورتحال مناسب سطح پرہے۔ انہوں نے کہا کہ یہ گزشتہ 10 سالوں سے اس سطح پرہے۔ پچھلے سال یہ 380 تھا، اب یہ 363 ہے۔ دہلی سے بھاگنے والے اس وقت فلمیں دیکھ رہے ہیں۔ آلودگی انہیں کی دی ہوئی ایک بیماری ہے اوروہی احتجاج کررہے ہیں۔ انہوں نے کہا کہ گزشتہ سال کے مقابلے میں نومبرمیں 20 پوائنٹ اے کیوآئی کم کیا۔ 5300 میں سے 3427 ای وی بس لے آئے ہیں۔ سائنٹسٹ کی ٹیم بنائی ہے، جنہوں نے 12  تاریخ کواپنی پہلی میٹنگ کرلی ہے، جس کے پاس پی یوسی سی سرٹیفکیٹ نہیں ہے، ان کوپرسوں سے پٹرول نہیں ملے گا۔ دہلی کے اندرکوئی بھی ٹرک تعمیرات کا سامان لائے گا تووہ ٹرسک سیل کردیا جائے گا۔