بہار اسمبلی انتخابات میں این ڈی اے کے شاندار اور فیصلہ کن نتائج کے بعد ملک بھر میں سیاسی گہما گہمی اور جشن کا ماحول ہے۔ بی جے پی اور این ڈی اے کے حامیوں میں زبردست جوش و خروش دیکھا جا رہا ہے۔ اسی کے ساتھ بھارتیہ جنتا پارٹی کی حکومت والی ریاستوں کے وزرائے اعلیٰ نے مسلسل مبارکباد پیش کر کے اس جیت کو تاریخی قرار دیا اور اسے وزیر اعظم نریندر مودی کی قیادت اور ’ڈبل انجن‘ حکومت کی پالیسیوں پر عوام کے مضبوط اعتماد کا ثبوت بتایا۔
سب سے پہلے اتراکھنڈ کے وزیر اعلیٰ پشکر سنگھ دھامی نے ایکس پر اپنے پیغام میں لکھا کہ “مودی مَے ہوا بہار۔ این ڈی اے کی پریچنڈ جیت عوام کی طرف سے ترقی اور بہتر حکمرانی کے عزم کی تصدیق ہے۔ یہ واضح سند ہے کہ بہار کی عوام ترقی، نظم و نسق اور استحکام پر کسی قسم کا سمجھوتہ قبول نہیں کرتی۔” انہوں نے کہا کہ موقع پرستی، خاندان پرستی اور انتشار کی سیاست کو عوام نے پوری طرح مسترد کر دیا ہے۔ انہوں نے مزید کہا کہ “یہ کامیابی کارکنان کی مسلسل محنت اور عوامی خدمت کے تئیں این ڈی اے کے اٹل عزم کی جیت ہے۔ تمام فاتح امیدواروں، کارکنوں اور حامیوں کو دل کی گہرائیوں سے مبارکباد۔”
مہاراشٹر کے وزیر اعلیٰ دیویندر فڈنویس نے این ڈی اے کی جیت کو “تاریخی عوامی مینڈیٹ” قرار دیتے ہوئے لکھا کہ عوام نے ایک مرتبہ پھر ترقی اور اچھی حکمرانی کو چنا ہے۔ انہوں نے کہا کہ “وزیر اعظم نریندر مودی کی قیادت اور پارٹی صدر جے پی نڈا کے رہنمائی میں بہار بی جے پی کے صدر دلیپ کمار جیسوال، انتخابی انچارج اور مرکزی وزیر دھرمیندر پردھان اور تمام کارکنوں کو مبارکباد اور بہار کے عوام کا دل سے شکریہ۔” اسی طرح اتر پردیش کے وزیر اعلیٰ یوگی آدتیہ ناتھ نے بھی این ڈی اے کی جیت کو تاریخی قرار دیتے ہوئے لکھا کہ “یہ جیت وزیر اعظم نریندر مودی کی ترقی پسند رہنمائی اور ڈبل انجن حکومت کی عوامی فلاحی پالیسیوں پر بہار کے عوام کے غیر متزلزل یقین کی مہر ہے۔ یہ فیصلہ ترقی، خوشحالی اور استحکام کے راستے پر نئے بہار کے بڑھتے قدموں کی حمایت ہے۔”
چھتیس گڑھ کے وزیر اعلیٰ وشنو دیو سائے نے لکھا کہ “دنیا کو جمہوریت کا سبق سکھانے والے بہار نے ایک بار پھر ثابت کر دیا کہ عوام اچھی حکمرانی اور شفافیت کی حمایت کرتی ہے۔” انہوں نے کہا کہ کئی بار طویل حکومت کے بعد عوام ناراض ہو جاتی ہے، مگر بی جے پی نے اس تصور کو بھی غلط ثابت کر دیا ہے کیونکہ عوامی توقعات پوری کرنے سے بار بار آشیرواد ملتا ہے۔ انہوں نے امید ظاہر کی کہ “ڈبل انجن کی حکومت بہار کی ترقی کو مزید تیزی دے گی۔” وشنو دیو سائے نے بہار کے عوام کا شکریہ ادا کیا اور سیاسی استحکام اور ترقی کے مستقبل پر اعتماد ظاہر کیا۔ این ڈی اے کی کامیابی کے ساتھ بہار کی سیاست میں ایک نئے دور کے آغاز کا تاثر مضبوط ہوتا جا رہا ہے اور ملک بھر میں اس فیصلے کو عوام کے بدلتے سیاسی مزاج اور کارکردگی پر مبنی سیاست کی جیت کے طور پر دیکھا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
