اسمبلی انتخابات کے لیے عظیم اتحاد کے وزیر اعلیٰ کے امیدوار تیجسوی یادو نے بدھ کو مظفر پور میں ایک جلسہ عام سے خطاب کیا۔ ریلی میں کانگریس کے رکن پارلیمنٹ راہل گاندھی بھی موجود تھے۔ دونوں رہنماؤں کی ایک ہی پلیٹ فارم پر موجودگی نے عظیم اتحادکے اتحاد کا اشارہ دیا۔ تیجسوی یادو نے اس موقع کو اپنے مخالفین کا مقابلہ کرنے کے لیے بھی استعمال کیا، خاص طور پر وہ لوگ جو آر جے ڈی کو “جنگل راج” قرار دیتے ہیں۔
تیجسوی یادو نے کیا کہا؟
تیجسوی یادو نے واضح طور پر کہا کہ اگر ان کی حکومت بنتی ہے، تو جو بھی غلط کام کرے گا، چاہے وہ دوست ہو یا اجنبی، اسے جیل جانا ہوگا۔ یہاں تک کہہ دیا کہ اگر وہ خود بھی کوئی غلط کام کرتے ہیں تو انہیں بھی سزا ملے گی ۔
آر جے ڈی پر جنگل راج کا الزام
این ڈی اے نے طویل عرصے سے آر جے ڈی پر “جنگل راج” کا الزام لگاتا رہا ہے۔ پی ایم مودی اور وزیر داخلہ امت شاہ نے بار بار بول رہے ہیں کہ اگر بہار میں آر جے ڈی اقتدار میں آتی ہے تو “جنگل راج” لوٹ آئے گا۔ وہ لالو خاندان کو گھوٹالوں اور جرائم سے جوڑتے ہیں اور کہتے ہیں کہ آر جے ڈی لیڈر ضمانت پر باہر ہیں۔
تیجسوی یادو اس داغ کو مٹانے کی کوشش کر رہے ہیں
تیجسوی یادو اب اس داغ کو مٹانے کی کوشش کر رہے ہیں۔ وہ آر جے ڈی کی شبیہ کو بدلنا چاہتے ہیں اور لوگوں کو یہ سمجھانا چاہتے ہیں کہ پارٹی کے پاس اب ایک نئی سوچ اور نئی قیادت ہے۔ انہوں نے کہا کہ ان کا مقصد بہار کو بدعنوانی اور جرائم سے پاک کرنا ہے۔ تیجسوی نے وعدہ کیا کہ ان کی حکومت الٹے سیدھے یا جھوٹے وعدے نہیں کرے گی بلکہ جو وعدہ کیا گیا ہے اسے پورا کرے گی۔
ہر گھر کو نوکری دینے کا وعدہ
تیجسوی نوجوانوں کو روزگار فراہم کرنے کی بات کرتے ہیں۔ انہوں نے ہر خاندان کو سرکاری نوکری دینے کا وعدہ کیا ہے۔ ان کا کہنا ہے کہ نیا بہار ایسا ہو گا، جہاں نوجوان بے روزگار نہیں ہوں گے اور انہیں نوکریوں کے لیے دوسری ریاستوں میں نہیں جانا پڑے گا۔ وہ چاہتے ہیں کہ بہار ترقی کے لیے جانا جائے، جرائم کے لیے نہیں۔
جنگل راج کی تعریف
تیجسوی نے جنگل راج کی تعریف بھی دی۔ انہوں نے کہا کہ جب ریاست میں گھوٹالے ہو رہے ہوں اور کوئی کارروائی نہیں کی جاتی ہے تو وہ جنگل راج ہے۔ انہوں نے وزیر اعظم مودی کے اس بیان کا حوالہ دیا ،جس میں نتیش کمار کے 55 گھوٹالوں کی فہرست دی گئی تھی۔ تیجسوی نے پوچھا کہ ان گھوٹالوں پر کیا کارروائی کی گئی ہے۔ ایک واقعہ کا ذکر کرتے ہوئے انہوں نے کہا کہ جب کوئی وزیر صحافی کو مارتا ہے، اسے گالی دیتا ہے، اس کے کپڑے پھاڑتا ہے اور اس کا کیمرہ چھین لیتا ہے تو کیا یہ جنگل راج نہیں ہے؟ تیجسوی اب وہی اصطلاح این ڈی اے کے خلاف استعمال کر رہے ہیں، جو کبھی آر جے ڈی کے خلاف بنائی گئی تھی۔
اپنے آپ کو نوجوانوں کے لیڈر کے طور پر پیش کرنا
تیجسوی یادو خود کو نوجوانوں کے لیڈر کے طور پر پیش کر رہے ہیں۔ وہ نئی سوچ، صاف نیت اور مضبوط عزم کی بات کررہے ہیں ۔ اب دیکھنا یہ ہے کہ عوام ان کے وعدوں اور دعووں پر کتنا اعتماد کرتے ہیں۔ اس کا جواب 14 نومبر کو انتخابی نتائج میں مل جائے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
