پاکستان کرکٹ ٹیم ایک بار پھر سرخیوں میں ہے اور اس بار وجہ ہیں وکٹ کیپر بلے باز محمد رضوان۔ کبھی پاکستان کرکٹ کا قابلِ اعتماد چہرہ مانے جانے والے رضوان اب کرکٹ بورڈ (پی سی بی) سے کھل کر ناراض ہیں۔ معاملہ اس قدر بڑھ گیا ہے کہ انہوں نے بورڈ کی جانب سے دیا گیا نیا سینٹرل کنٹریکٹ سائن کرنے سے صاف انکار کر دیا ہے۔
کپتانی جانے کے بعد برہم رضوان
در اصل چند دن پہلے پی سی بی نے ٹیم میں بڑی تبدیلی کرتے ہوئے رضوان سے ون ڈے کی کپتانی واپس لے کر شاہین آفریدی کو یہ ذمہ داری سونپ دی۔ اس فیصلے کے بعد رضوان کا غصہ کھل کر سامنے آ گیا ہے۔ رپورٹس کے مطابق، انہیں صرف کپتانی سے ہٹائے جانے کا ہی نہیں بلکہ کنٹریکٹ میں کی گئی تنزلی کا بھی افسوس ہے۔
پی سی بی کے سامنے دو بڑےمطالبات
پہلے رضوان بورڈ کی A کیٹیگری میں شامل تھے، جہاں ان کے ساتھ بابر اعظم اور شاہین آفریدی جیسے بڑے نام بھی موجود تھے۔ لیکن اب پی سی بی نے اس کیٹیگری کو ختم کر دیا ہے اور تمام سینئر کھلاڑیوں کو B کیٹیگری میں ڈال دیا گیا ہے۔ یہی بات رضوان کو ناگوار گزری اور انہوں نے فیصلہ کیا ہے کہ جب تک ان کے مطالبات نہیں مانے جاتے وہ کنٹریکٹ پر دستخط نہیں کریں گے۔میڈیا رپورٹس کے مطابق محمد رضوان نے پی سی بی کے سامنے دو بڑےمطالبات رکھے ہیں۔پہلا، A کیٹیگری کو دوبارہ بحال کیا جائے تاکہ سینئر کھلاڑیوں کو ان کا حق مل سکے۔دوسرا، کپتانوں کو واضح مدتِ کار (tenure) دی جائے تاکہ اچانک ہونے والی تبدیلیوں سے ٹیم کے ماحول پر منفی اثر نہ پڑے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
