نئی دہلی: ہندوستان میں متحدہ عرب امارات (یو اے ای) کے سفیر عبدالناصر الشعالی نے پیر کے روز دیوالی کے موقع پر اپنے پیغام میں کہا کہ ’’یہ روشنیوں کا تہوار میرے ہندوستانی سفر کا ایک لازمی حصہ بن چکا ہے۔‘‘ انہوں نے بتایا کہ ہندوستان میں قیام کے دوران ہر سال دیوالی کی خوشیوں نے ان کے تجربے کو مزید خاص بنا دیا ہے۔ سفیر نے اپنے سوشل میڈیا پلیٹ فارم ایکس پر تحریر کیا: ’’دیوالی میرے ہندوستانی سفر کا آغاز ہی سے ایک حصہ رہی ہے۔ آج جب میں یہاں اپنی چوتھی دیوالی منا رہا ہوں، تو اس کی گرمی اور محبت پہلے سے کہیں زیادہ محسوس ہو رہی ہے۔ سب کے لیے خوشی اور خوشحالی کی دعا کرتا ہوں۔‘‘ انہوں نے اس موقع پر اماراتی سفارت خانے میں ہونے والی دیوالی کی تقاریب کی جھلکیاں بھی شیئر کیں۔
#दीपावली का त्योहार मेरी #भारत यात्रा की शुरुआत से ही एक खास हिस्सा रहा है, और यहाँ अपनी चौथी दीपावली मनाते हुए इस त्योहार की रौशनी, उत्साह और अपनापन हर साल इसे और भी विशेष बना देते हैं। आने वाला वर्ष आप सभी के जीवन में सुख, समृद्धि, और नई ऊर्जा लेकर आए 🪔✨ pic.twitter.com/Gu0xUsefCS
— Abdulnasser Alshaali عبدالناصر الشعالي (@aj_alshaali) October 20, 2025
اماراتی قیادت کی جانب سے دیوالی کی نیک تمنائیں
متحدہ عرب امارات کے وزیر اعظم شیخ محمد بن راشد آل مکتوم نے بھی دیوالی کے موقع پر دنیا بھر کے ہندوؤں اور بھارتی کمیونٹی کو نیک خواہشات پیش کیں۔ انہوں نے اپنے پیغام میں کہا: ’’یو اے ای اور دنیا بھر میں دیوالی منانے والوں کو دلی مبارکباد۔ یہ روشنیوں کا تہوار آپ کے اور آپ کے پیاروں کے لیے امن، خوشی اور خوشحالی لے کر آئے۔‘‘
Warmest wishes and greetings to those celebrating Diwali in the UAE and around the world. May this festival of lights bring peace, safety, and prosperity to you and your loved ones. Happy Diwali!
— HH Sheikh Mohammed (@HHShkMohd) October 19, 2025
ان کے پیغام کے جواب میں دبئی میں بھارتی قونصل خانے نے اظہار تشکر کرتے ہوئے کہا: ’’آپ کے گرمجوشی بھرے پیغام کے لیے شکریہ، یور ہائی نیس۔ متحدہ عرب امارات میں مقیم بھارتی کمیونٹی آپ کی نیک تمناؤں کی دل سے قدردان ہے۔‘‘
Thank you, Your Highness @HHShkMohd, for your warm Diwali wishes! The Indian community in the UAE appreciates your kind message. Wishing you a joyous, safe, and prosperous Diwali! #Diwali2025 #FestivalOfLights #DubaiDiwali https://t.co/5oZyOGp0Qp
— India in Dubai (@cgidubai) October 20, 2025
شیخ محمد بن زاید النہیان کا خصوصی پیغام
یو اے ای کے صدر شیخ محمد بن زاید النہیان نے بھی دیوالی کے موقع پر اپنی نیک تمنائیں پیش کرتے ہوئے کہا: ’’یو اے ای اور دنیا بھر میں دیوالی منانے والوں کے لیے نیک خواہشات۔ آنے والا سال سب کے لیے امن، صحت اور خوشحالی کا پیغام لائے۔‘‘ اسی موقع پر ابوظبی میں بھارتی سفارت خانے نے بھی دیوالی کے موقع پر اپنا خصوصی پیغام جاری کیا: ’’یہ روشنی ہمیں ایک دوسرے کے قریب لاتی ہے۔ ہم سب کو خوشیوں، ہم آہنگی اور امن سے بھرپور دیوالی کی مبارکباد پیش کرتے ہیں۔‘‘
Best wishes to all those celebrating Diwali in the UAE and around the world. May the coming year bring peace, health, and prosperity to you and your loved ones.
— محمد بن زايد (@MohamedBinZayed) October 20, 2025
بھارتی کمیونٹی اور اماراتی معاشرے کی ثقافتی قربت
متحدہ عرب امارات میں اس وقت 35 لاکھ سے زیادہ بھارتی شہری رہائش پذیر ہیں۔ اماراتی عوام بھارتی ثقافت، روایات اور تہواروں سے بخوبی واقف ہیں۔ یو اے ای میں بھارتی سنیما، ٹیلی ویژن اور ریڈیو چینلز عام طور پر دستیاب ہیں اور بڑی تعداد میں ان کے ناظرین موجود ہیں۔ ملک کے بڑے سنیما گھروں میں ہندی، ملیالم، تمل اور تیلگو فلمیں باقاعدگی سے نمائش کے لیے پیش کی جاتی ہیں۔
Light That Brings Us Together!
We wish everyone a very happy and prosperous Diwali.
May this festival of light fill our lives with joy and harmony.#Diwali #India #IncredibleIndia #IndianEmbassy #IndianEmbassyAbuDhabi #IndiainUAE pic.twitter.com/JsG9tCxJjS
— India in UAE (@IndembAbuDhabi) October 20, 2025
ثقافتی ہم آہنگی اور اجتماعی سرگرمیاں
اماراتی معاشرہ صرف ثقافتی نہیں بلکہ روحانی سطح پر بھی ہندوستانی روایات سے جڑا ہوا ہے۔ ہر سال یو اے ای میں انٹرنیشنل ڈے آف یوگا کے موقع پر ہزاروں افراد شرکت کرتے ہیں۔ متحدہ عرب امارات کی وزارت رواداری و بقائے باہمی اور ابوظبی اسپورٹس کونسل بھارتی کمیونٹی کے ساتھ مل کر مختلف کھیل، فلاحی اور ثقافتی تقریبات کا انعقاد کرتی ہیں۔ یہ سرگرمیاں دونوں ممالک کے درمیان بڑھتی ہوئی دوستی، ثقافتی احترام اور باہمی تعاون کی گواہ ہیں، جنہوں نے یو اے ای کو عالمی سطح پر کثیر ثقافتی ہم آہنگی کی ایک منفرد مثال بنا دیا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
