سپریم کورٹ نے اپنا پرانا فیصلہ پلٹتے ہوئے JSW اسٹیل کو بڑی راحت دی ہے۔ JSW اسٹیل کو بھوشن اسٹیل معاملے میں ریلیف دیتے ہوئے عدالتِ عظمیٰ نے کمپنی کے ریزولوشن پلان (حل کے منصوبے) کو برقرار رکھا۔ جمعہ کے روز سپریم کورٹ نے بھوشن پاور اینڈ اسٹیل لمیٹڈ (BPSL) کے لیے JSW اسٹیل لمیٹڈ کی 19,700 کروڑ روپے کی حل کی تجویز کو منظور کر لیا۔عدالت نے BPSL کے سابق پروموٹرز اور کچھ قرض دہندگان کی طرف سے اٹھائی گئی تمام اعتراضات کو مسترد کر دیا۔
سپریم کورٹ کا بڑا فیصلہ
سپریم کورٹ نے جمعہ کو اپنے 2 مئی 2025 کے اس حکم کو منسوخ کر دیا ،جس میں BPSL کو لیکویڈیٹ (ختم) کرنے کا حکم دیا گیا تھا۔ قرض میں ڈوبی کمپنی BPSL کے لیے JSW اسٹیل کی 19,700 کروڑ روپے کی حل کی اسکیم کو عدالت نے برقرار رکھا۔
اس فیصلے کے ساتھ سپریم کورٹ نے BPSL کے سابق مالکان اور کچھ قرض دہندگان کی طرف سے اٹھائی گئی قانونی چیلنجز کو خارج کر دیا۔ عدالت نے کہا کہ اسکیم کے نفاذ میں جو تاخیر ہوئی، وہ JSW یا قرض دہندگان کی وجہ سے نہیں تھی۔
چیف جسٹس بی آر گوئی کی سربراہی میں بننے والی بنچ نے کہا کہ COC (کمیٹی آف کریڈٹرز) کے “کمرشل وزڈم” میں عدالت مداخلت نہیں کرے گی۔ بنچ نے خبردار کیا کہ اسکیم کی منظوری کے بعد دعوؤں کو دوبارہ کھولنا دیوالیہ اور دیوالیہ پن کوڈ (IBC) کی خلاف ورزی کے مترادف ہوگا۔
عدالت نے یہ بھی کہا کہ جب تک حل کی اسکیم مکمل طور پر نافذ نہیں ہو جاتی، CoC کا وجود قائم رہے گا۔ چیف جسٹس گوئی نے کہا کہ JSW نے کمپنی میں بطور کارپوریٹ قرضدار بھاری سرمایہ کاری کی ہے، جس کے باعث BPSL اب ایک منافع بخش کمپنی بن چکی ہے۔
JSW اسٹیل–BPSL تنازع
سپریم کورٹ نے خبردار کیا کہ جو معاملات پہلے ہی حل ہو چکے ہوں، انہیں دوبارہ کھولنا قانونی سسٹم کے لیے نقصان دہ ہوگا۔ عدالت نے یہ بھی واضح کیا کہ اگر اس نے EBDITA سے پہلے کی کمائی پر پروموٹرز یا CoC کے دلائل مان لیے ہوتے، تو اس کے سنگین نتائج نکل سکتے تھے۔
سپریم کورٹ تک معاملہ کیسے پہنچا؟
قرضوں میں پھنسی بھوشن پاور اینڈ اسٹیل لمیٹڈ (BPSL) کے خلاف دیوالیہ پن اور دیوالیہ پن کوڈ (IBC) کے تحت کارروائی 2017 میں شروع ہوئی تھی۔ JSW اسٹیل نے 19,700 کروڑ روپے کی بولی کے ساتھ کامیاب درخواست گزار کے طور پر ابھر کر سامنے آیا۔ 2019 میں قومی کمپنی قانون ٹربیونل (NCLT) نے اس اسکیم کی منظوری دی۔
2 مئی 2025 کو جسٹس بیلا ایم ترویدی کی سربراہی میں سپریم کورٹ کی ایک بنچ نے BPSL کی لیکویڈیشن کا حکم دیا اور JSW اسٹیل کی حل کی اسکیم کو کالعدم قرار دیا۔ یہ فیصلہ JSW اور COC کے لیے ایک بڑا دھچکا تھا، کیونکہ اس کا مطلب تھا کہ 19,700 کروڑ کی اسکیم ختم ہو جائے گی۔
لیکن 31 جولائی 2025 کو، چیف جسٹس بی آر گوئی کی قیادت میں ایک خصوصی بنچ نے 2 مئی کا فیصلہ واپس لے لیا اور کیس کی دوبارہ سماعت پر رضامندی ظاہر کی۔ عدالت نے JSW کی اسکیم کی قانونی حیثیت، COC کے کرداراور BPSL کے سابق پروموٹرز کی جانب سے اٹھائے گئے اعتراضات پر نئے سرے سے سماعت کی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
