بی جے پی رکن پارلیمنٹ نشی کانت دوبے۔ (فائل فوٹو)
نئی دہلی: دہلی کے کانسٹی ٹیوشن کلب الیکشن میں اس بارمقابلہ دوسابق مرکزی وزراء ڈاکٹرسنجیو بالیان اورراجیو پرتاپ روڈی کے درمیان تھا۔ حالانکہ اس الیکشن میں راجیو پرتاپ روڈی نے جیت درج کی ہے۔ اس جیت کے بعد اب ہارے ہوئے سنجیو بالیان سے متعلق بی جے پی لیڈر نشی کانت دوبے نے کہا کہ انہوں نے ہارکربھی جیت حاصل کی ہے۔
نشی کانت دوبے سوشل میڈیا پلیٹ فارم ایکس پر پوسٹ کرتے ہوئے راجیو پرتاپ روڈی کو جیت کی مبارکباد دی ہے۔ اس کے ساتھ ہی انہوں نے سنجیو بالیان کی ہارکو بھی جیت بتایا ہے۔
نشی کانت دوبے نے کیا کہا؟
نشی کانت دوبے نے اپنے پوسٹ میں لکھا کہ کانسٹی ٹیوشن کلب کے الیکشن میں، میں سنجیو بالیان کے ساتھ تھا اورہوں۔ یہ الیکشن سنجیو بالیان کی زندگی کا تاریخی الیکشن ہے، اس سے ان کی طاقت نظرآئی۔ کانگریس صدر ملیکا ارجن کھڑگے، سونیا گاندھی کا کلب کے الیکشن میں ووٹ دینے آنا ان کی جیت ہے۔ انہوں نے مزید لکھا کہ کانگریس کے سینئرلیڈراوراس وقت کے دہلی پردیش صدرجے پرکاش اگروال نے بھی جب 2005 اور2010 کا الیکشن راجیوپرتاپ روڈی کے خلاف لڑا تھا، توسونیا گاندھی یا ان کے کابینہ کا کوئی رکن بھی ووٹ دینے نہیں آئے تھے۔ پارلیمنٹری کلب کا وقار بڑھانے کے لئے سنجیوبالیان کومبارکباد اورراجیوپرتاپ روڈی کوجیت کی نیک خواہشات۔
संसदीय क्लब के चुनाव में मैं संजीव बालियान जी के साथ था,हूँ ।यह चुनाव बालियान जी के जीवन का ऐतिहासिक चुनाव है,इसने उनकी ताक़त को दिखाया,कॉंग्रेस अध्यक्ष खडगे साहब व सोनिया गांधी जी का क्लब के चुनाव में वोट देने आना उनकी जीत है,कांग्रेस के वरिष्ठ नेता तत्कालीन सांसद तथा दिल्ली…
— Dr Nishikant Dubey (@nishikant_dubey) August 13, 2025
100 سے زیادہ ووٹوں سے جیتے روڈی
کانسٹی ٹیوشن کلب کا منگل کے روز (12 اگست، 2025) الیکشن ہوا تھا۔ اس الیکشن میں راجیو پرتاپ روڈی نے اپنی ہی پارٹی کے سنجیو بالیان کو بڑے فرق سے ہرا دیا ہے۔ اس جیت میں راجیوپرتاپ روڈی نے کہا کہ میں 100 سے زیادہ ووٹوں سے الیکشن جیتا ہوں۔ انہوں نے کہا کہ یہ میرے پینل کی جیت ہے، جنہوں نے میرا ساتھ دیا۔ انہوں نے کہا کہ میرے پینل میں بی جے پی، کانگریس کے علاوہ بھی دیگر سیاسی پارٹیوں کے ساتھ ہی آزاد اراکین پارلیمنٹ بھی تھے۔ سب کی محنت سے ہی یہ جیت ملی ہے۔ قابل ذکرہے کہ اس الیکشن میں مرکزی وزیرداخلہ امت شاہ، جے پی نڈا، کانگریس صدرملیکا ارجن کھڑگے، سونیا گاندھی، راجیوشکلا، عمران پرتاپ گڑھی، شتروگھن سنہا وغیرہ نے ووٹنگ کی تھی۔ کانسٹی ٹیوشن کلب کے الیکشن میں اس بارسب سے زیادہ دلچسپی دیکھنے کوملی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
