Supreme Court hearing Justice Yashwant Varma Cash Case: جسٹس یشونت ورما کی عرضی پر سپریم کورٹ میں سماعت مکمل، فیصلہ محفوظ

انہوں نے یہ بھی کہا کہ درخواست گزاراندرونی تفتیشی عمل کوحقائق کی تلاش کے لیے ایک درست طریقہ کارکے طورپرچیلنج نہیں کر رہے ہیں، بشرطیکہ یہ عمل کارروائی کے آغازکا باعث نہ ہو۔ جسٹس، متعلقہ جسٹس کوعدالتی کام مختص نہ کرنے کی ہدایت کے حق کوبھی چیلنج نہیں کرتے۔ کپل سبل نے عدالت کو یہ بھی بتایا کہ اندرونی تحقیقاتی کمیٹی کی جسٹس ورما کوعہدے سے ہٹانے کی سفارش غیرآئینی ہے۔ اس کے علاوہ، تحقیقاتی کمیٹی کی رپورٹ کے خلاف عدالت کے پہلے آنے سے متعلق سوال پر، کپل سبل نے کہا کہ جسٹس ورما نے پہلے رابطہ نہیں کیا کیونکہ ٹیپ جاری ہوچکی تھی اوران کی تصویرپہلے ہی داغدارہوچکی تھی۔

سپریم کورٹ نے عرضی پر اٹھایا تھا سوال

اس سے قبل 28 جولائی کو سماعت کے دوران سپریم کورٹ نے جسٹس ورما سے ان کی درخواست کے بارے میں سوال کیا، جس میں انہوں نے اپنے گھرسے نقدی برآمد ہونے کے معاملے میں اندرونی تحقیقاتی کمیٹی کی رپورٹ کوچیلنج کیا تھا۔ عدالت نے ان سے سوال کیا کہ اس عمل میں حصہ لینے کے بعد اب اس پرسوال کیسے اٹھا سکتے ہیں۔ اندرونی تحقیقاتی کمیٹی نے جسٹس ورما کوان کی دہلی رہائش گاہ سے نقد رقم کی وصولی کے معاملے میں بدانتظامی کا قصوروارپایا تھا۔ یہ واقعہ مارچ میں پیش آیا تھا، جب مبینہ طورپران کی سرکاری رہائش گاہ سے بڑی مقدارمیں جلے ہوئے نوٹ ملے تھے۔ اس دوران جسٹس ورما دہلی ہائی کورٹ کے جسٹس تھے۔