خماربارہ بنکوی اردوکے ایک مشہوراورہردلعزیزشاعر ہیں جن کا اصل نام محمد حیدرخان تھا۔ انہوں نے 15 ستمبر 1919 کوبارہ بنکی، اتر پردیش میں جنم لیا اور 19 فروری 1999 کو اسی شہر میں وفات پائی۔ انھوں نے اپنی شاعری میں خمارتخلص اختیار کیا۔ ان کے والد ڈاکٹر غلام حیدراورچچا قراربارہ بنکوی بھی شاعرتھے۔
خمارنے مشاعروں میں اپنی خوبصورت آوازاورمنفرد اندازِبیاں کی وجہ سے بہت جلد شہرت حاصل کرلی۔ اسی اثناء میں اردو کے معروف شاعرجگرمراد آبادی سے قربت بڑھنے لگی، چنانچہ ان کی صحبت میں ایک طویل عرصہ گزارا۔ وہ اپنے اندازکلام اورسریلی آوازکی بدولت مشاعروں میں خوب داد سمیٹتے تھے۔ خماربارہ بنکوی جگرمراد آبادی کی طرح کلاسیکل غزل کے پرجوش حمایتی تھے۔ انہوں نے بہت سی ہندی فلموں کے لیے گانے تحریر کئے جو کافی مقبول ہوئے۔ ان کے مجموعہ کلام میں ” آتش تار، رقص مہ، شب تاب” شامل ہیں۔ بھارت ایکسسپریس ان کے ایک بہت اہم شعر کو آپ کی خدمت میں پیش کررہا ہے۔
بھولے ہیں رفتہ رفتہ انہیں مدتوں میں ہم
قسطوں میں خود کشی کا مزا ہم سے پوچھئے
خمار بارہ بنکوی
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
