آر جے ڈی لیڈر نے پٹنہ کی دیواروں پر لگائے پوسٹر
پٹنہ: بہار کی راجدھانی پٹنہ میں، راشٹریہ جنتا دل (آر جے ڈی) کے کارکنوں نے شہر کے کئی حصوں میں ’بہار میں کا با‘ نام کے پوسٹر لگائے ہیں۔ ان پوسٹروں میں بہار میں ہونے والے مجرمانہ واقعات کا ذکر ہے اور لکھا گیا ہے کہ ’بہار میں کا با‘۔ آر جے ڈی کے ذریعہ پٹنہ میں لگائے گئے پوسٹر میں للن سنگھ کی طرف سے ساون کے مہینے میں مٹن پارٹی کو بھی دکھایا گیا ہے۔
ان پوسٹروں میں دو مدعوں کو کیا گیا اجاگر
ان پوسٹروں میں دو مدعوں کو اجاگر کیا گیا ہے۔ ایک طرف اسپتال کے اندر فائرنگ کا حالیہ واقعہ دکھایا گیا ہے تو دوسری طرف مرکزی وزیر للن سنگھ کی ساون کے مہینے میں ہونے والی ’مٹن پارٹی‘ کو دکھایا گیا ہے۔ آپ کو بتا دیں کہ یہ پوسٹر آر جے ڈی لیڈر سنت کشواہا نے لگایا ہے۔ سنت کشواہا کڑھنی اسمبلی-93 سے ایم ایل اے ہیں۔
15 جولائی کو پٹنہ کے چوراہوں پر لگے پوسٹر
ان پوسٹروں کو آر جے ڈی کی طرف سے موجودہ حکومت کو نشانہ بنانے کی کوشش سمجھا جا رہا ہے۔ اس سے پہلے 15 جولائی کو پٹنہ کے کئی چوراہوں پر ’بہار میں گنڈراج‘ کے پوسٹر لگائے گئے تھے، جن میں 8 قتل کا ذکر تھا۔
پوسٹروں کو کس نے لگایا، اس کا نہیں کیا گیا ذکر
پٹنہ کے جے پی گولمبھر، انکم ٹیکس اسکوائر، ویر چند پٹیل روڈ، بورنگ روڈ اسکوائر اور دیگر مقامات پر ان پوسٹروں کو کس نے لگایا، اس کا ذکر ان پوسٹروں میں نہیں کیا گیا ہے۔ پوسٹرز پر وزیر اعلیٰ نتیش کمار اور نائب وزیر اعلیٰ سمراٹ چودھری کی تصویریں ہیں اور لکھا گیا ہے، ‘بہار میں گنڈراج، کاروباریوں پر قہر۔‘
پوسٹر میں آٹھ قتل معاملوں کا تاریخ کے ساتھ ذکر
پوسٹر کے چاروں طرف، بہار میں حال ہی میں ہوئے آٹھ قتل معاملوں کا تاریخ کے ساتھ ذکر کیا گیا تھا، جس میں مقتول کی تصویریں بھی لگائی گئیں۔ پوسٹر میں سب سے پہلے مشہور صنعت کار گوپال کھیمکا کی تصویر کے ساتھ ان کے قتل کی تاریخ لکھی ہوئی تھی۔
پوسٹر میں تاجر پُٹو خان اور وکیل مہتا کا بھی ذکر
اسی طرح تاجر دیپک شاہ، مارٹ کے مالک وکرم جھا، ٹیچر سنتوش رائے اور ریت کے تاجر رماکانت یادو کے قتل کا بھی پوسٹر میں ذکر کیا گیا تھا۔ اس کے علاوہ پوسٹر میں تاجر پُٹو خان اور وکیل جتیندر مہتا کے قتل کا بھی ذکر تھا، جنہیں 13 جولائی کو گولی مار کر ہلاک کر دیا گیا تھا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
