ہریانہ کے گروگرام میں مشہورٹینس پلیئر25 سالہ رادھیکا یادوکی اسی کے گھرمیں قتل کردیا گیا۔ قتل کا ملزم اور کوئی نہیں بلکہ اس کا والد دیپک یادو ہے۔ دیپک یادو نے پولیس کے سامنے اپنا گناہ قبول کرلیا تھا۔ اس کے بعد اس کی عدالت میں پیشی ہوئی۔ سماعت کے بعد عدالت نے ملزم دیپک یادوکوایک دن کی پولیس ریمانڈ میں بھیج دیا ہے۔
رادھیکا یادو کا قتل کرنے والے اس کے والد دیپک کی پولیس حراست میں جاتے ہوئے ویڈیو بھی سامنے آگیا ہے۔ اس میں دیکھا جاسکتا ہے کہ دیپک یادوکے چہرے پرکوئی شکن نہیں ہے۔ بھیڑبھاڑکے درمیان پولیس آگے لوگوں کودھکا دیتے ہوئے اسے کارتک لے جا رہی ہے۔ دیپک یادو خود میڈیا کے سوالوں سے بچنے کے لئے تیزی سے کارمیں جاکربیٹھ جاتا ہے۔ وہ کسی سے کچھ بات نہیں کرتا۔
VIDEO | Gurugram Tennis Player murder case: Father of 25-year-old woman Radhika, who is the accused, being taken for medical examination.
(Full video available on PTI Videos – https://t.co/n147TvrpG7) pic.twitter.com/9B28y29PLo
— Press Trust of India (@PTI_News) July 11, 2025
رادھیکا کی پیٹھ پرماری تھیں تین گولیاں
یہ خوفناک واردات جمعرات (10 جولائی) کی صبح تقریباً 10:30 بجے ہوئی، جب گروگرام کے سیکٹر 57 واقع سشانت لوک فیز-2 میں رادھیکا یادو اپنے گھرمیں موجود تھی۔ صبح کے وقت رادھیکا کچن میں اپنے والد کے لئے ہی کھانا بنا رہی تھی، جب دیپک یادو نے اس کی پیٹھ پرتین گولیاں ماردیں۔
بیٹی کے قتل کی الگ الگ وجوہات بتائیں
ملزم باپ دیپک یادونے اپنی بیٹی کوقتل کرنے کی مختلف وجوہات بتائی۔ پہلے اس نے کہا کہ وہ ٹینس اکیڈمی کھولنے پررادھیکا سے ناراض ہے کیونکہ لوگ اسے اپنی بیٹی کی کمائی پرگزارا کرنے پرطعنے دیتے ہیں۔ اس کے بعد پولیس پوچھ گچھ کے دوران اس نے بتایا کہ اسے رادھیکا کی ایک میوزک ویڈیوپسند نہیں آئی، جسے اس نے باربارہٹانے کوکہا، لیکن رادھیکا نہیں مانی۔
پولیس نے کیا بتایا؟
گروگرام پولیس کے پی آراو سندیپ کمار نے جانکاری دی کہ تھانہ سیکٹر-56 میں ایک شکایت درج کرائی گئی تھی کہ ایک لڑکی ہے، جس کو تین گولیاں لگی ہیں اور وہ اسپتال میں ہے۔ پولیس کی ٹیم اسپتال پہنچی تو 25 سالہ رادھیکا یادو کو گولی لگنے کی بات معلوم ہوئی۔ پولیس کی ٹیم اس کے گھرپہنچی تو انکشاف ہوا کہ اس کے والد نے ہی اسے گولیاں ماری ہیں۔ متاثرہ لڑکی کی فیملی والوں نے پولیس میں شکایت درج کرائی تھی۔ ملزم دیپک یادو کے بھائی نے بتایا کہ وہ گھرکے گراؤنڈ فلورپررہتے ہیں اور رادھیکا کی فیملی فرسٹ فلور پر رہتی ہے۔ صبح 10:30 بجے انہیں گولی کی آوازآئی، جس پر وہ فوراً اوپرپہنچے۔ گھرمیں جا کر دیکھا کہ رادھیکا کچن میں مردہ حالت میں پڑی تھی۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
