نئی دہلی: پارلیمنٹ کا مانسون سیشن 21 جولائی سے شروع ہوگا۔ مرکزی وزیر پارلیمانی امور کرن رجیجو نے بدھ کو اس بات کا اعلان کیا ہے۔ انہوں نے بتایا کہ مانسون سیشن 21 جولائی سے شروع ہوکر12 اگست تک چلے گا۔ جانکاری کے مطابق، آپریشن سندور پر بھی حکومت ضوابط کے تحت بحث کرنے کو تیار ہوگئی ہے۔
تین ماہ سے زیادہ کے بریک کے بعد پارلیمنٹ کے دونوں ایوان 21 جولائی کو صبح 11 بجے بلائے جانے والے ہیں۔ اس سے پہلے پارلیمنٹ کا بجٹ سیشن اس سال 31 جنوری کو شروع ہوا تھا۔ لوک سبھا اور راجیہ سبھا دونوں کو 4 اپریل کو غیرمعینہ مدت کے لئے ملتوی کردیا گیا تھا، جس سے 2025 کا پہلا پارلیمنٹ سیشن ختم ہوگیا تھا۔
#WATCH | Delhi: On discussion with political parties over Impeachment Motion against Delhi HC judge Justice Yashwant Varma, Parliamentary Affairs Minister Kiren Rijiju says, “(The response has been) very positive. As I said, in this matter there is no scope for taking a political… pic.twitter.com/vzQuZPn21V
— ANI (@ANI) June 4, 2025
آپریشن سندور پر بھی کیا جائے گا تبادلہ خیال
کرن رجیجونے بتایا کہ سیشن کے دوران آپریشن سندورپربھی تبادلہ خیال کیا جائے گا۔ مرکزی وزیرکرن رجیجونے کہا کہ ہر سیشن خاص ہوتا ہے اورہم آپریشن سندورسمیت سبھی موضوعات پر تبادلہ خیال کریں گے۔ انہوں نے مزید کہا کہ حکومت چاہتی ہے کہ سبھی کو ساتھ لیا جائے۔ ہم نے اپوزیشن سے رابطہ کیا ہے اورامید ہے کہ ہرکوئی اتحاد کا رخ اپنائے گا۔ انہوں نے کہا کہ ضوابط کے تحت سبھی موضوعات پر مانسون سیشن کے دوران تبادلہ خیال کیا جائے گا۔
#WATCH | Delhi: On Impeachment Motion against Delhi HC judge Justice Yashwant Varma, Parliamentary Affairs Minister Kiren Rijiju says, “The impeachment motion against Justice Yashwant Varma is a matter related to the corruption in the judiciary. So, there is no scope for any… pic.twitter.com/AD1cslCiG2
— ANI (@ANI) June 4, 2025
آپریشن سندور پرنہیں ہوگا خصوصی سیشن
جہاں ایک طرف اپوزیشن پارٹیاں مسلسل حکومت سے آپریشن سندور سے متعلق خصوصی سیشن بلانے کا مطالبہ کررہی تھیں اور 16 پارٹیوں نے حال ہی میں وزیراعظم مودی کو خط لکھا تھا۔ وہیں دوسری طرف حکومت نے اسی درمیان مانسون سیشن کی تاریخ کا اعلان کردیا ہے۔ اسی کے ساتھ یہ بھی بتا دیا گیا ہے کہ اپوزیشن کے مسلسل مطالبہ کے بعد بھی آپریشن سندور پر خصوصی سیشن نہیں ہوگا۔ اپوزیشن مسلسل آپریشن سندور، سیزفائراورامریکہ کے صدر ڈونالڈ ٹرمپ کی طرف سے کئے جا رہے دعووں سے متعلق اسپیشل سیشن بلانے کا مطالبہ کیا جا رہا تھا اوراپوزیشن مسلسل حکومت سے سوال پوچھ رہا تھا۔ حالانکہ اب مانسون سیشن کی تاریخ کا اعلان کردیا گیا ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
