مرکزی وزیر داخلہ امت شاہ جمعرات کی شام دیر گئے جموں پہنچے اور راج بھون میں فوری طور پر ایک اعلیٰ سطحی سیکورٹی جائزہ میٹنگ کی صدارت کی۔ میٹنگ میں اعلیٰ سطح کی چوکسی اور تیاری کو برقرار رکھتے ہوئے مکمل طور پر پرامن امرناتھ یاترا کو یقینی بنانے پر توجہ مرکوز کی گئی۔ یہ سیکورٹی جائزہ اجلاس تقریباً ایک گھنٹہ 30 منٹ تک جاری رہا اور اس میں لیفٹیننٹ گورنر منوج سنہا، مرکزی داخلہ سکریٹری گووند موہن، آرمی چیف جنرل اوپیندر دویدی، جموں و کشمیر کے چیف سکریٹری اٹل ڈولو، ڈی جی پی نلین پربھات اور وزارت داخلہ، فوج، نیم فوجی انتظامیہ، پولیس اور سول ایجنسیوں کے اعلیٰ حکام نے شرکت کی۔
Chaired a review meeting for the Amarnath Pilgrimage and evaluated the security arrangements and preparedness meant for the pilgrims. Instructed to maintain the utmost vigilance and ensure the seamless completion of the sacred journey.
Central govt and J&K administration will… pic.twitter.com/b8auExp7ID
— Amit Shah (@AmitShah) May 29, 2025
امت شاہ نے 3 جولائی کو شروع ہونے والی اور 38 دنوں کے بعد 9 اگست کو اختتام پذیر ہونے والی اس مذہبی یاترا کے لیے تمام حفاظتی انتظامات اور تیاریوں کا تفصیلی جائزہ لیا۔ امت شاہ نے اس یاترا کی پرامن تکمیل کو یقینی بنانے کے لیے پوری یاترا کے دوران انتہائی چوکسی برقرار رکھنے کی ضرورت پر زور دیا۔ انھوں نے یقین دلایا کہ سینٹرل اور یونین ٹیریٹری دونوں انتظامیہ یاتریوں کو تمام ضروری سہولیات فراہم کرنے میں کوئی کسر نہیں چھوڑیں گے۔
سوشل میڈیا پلیٹ فارم ’ایکس‘ پر پوسٹ کرتے ہوئے انھوں نے لکھا ’’میں نے امرناتھ یاترا کے لیے ایک جائزہ میٹنگ کی صدارت کی اور یاتریوں کے لیے سیکورٹی انتظامات اور تیاریوں کا جائزہ لیا۔ میں نے عہدیداروں کو انتہائی چوکسی برقرار رکھنے اور مقدس یاترا کی بغیر کسی رکاوٹ کے تکمیل کو یقینی بنانے کی ہدایت دی۔ مرکزی حکومت اور جموں و کشمیر انتظامیہ یاتریوں کو تمام ضروری سہولیات فراہم کرنے میں کوئی کسر نہیں چھوڑے گی۔‘‘
انسداد دہشت گردی کے اقدامات پر توجہ
اس میٹنگ میں حالیہ سیکورٹی چیلنجوں، خاص طور پر پہلگام میں 22 اپریل کے دہشت گردانہ حملے کے بعد کے حالات پر بھی تفصیلی تبادلۂ خیال کیا گیا۔ سیکورٹی ایجنسیوں نے وزیر داخلہ کو دراندازی اور دہشت گردی کے خلاف زیرو ٹالرنس کے لیے جاری آپریشنز کے بارے میں آگاہ کیا۔ ذرائع نے انکشاف کیا کہ امت شاہ نے پہلگام حملے کے ذمہ داروں سمیت دہشت گردوں کو نشانہ بناتے ہوئے تلاشی مہم تیز کرنے کی ہدایت کی۔
وہیں آج جمعہ کو امت شاہ سرحدی ضلع پونچھ کا دورہ کریں گے، جہاں وہ پاکستانی گولہ باری سے متاثرہ شہریوں سے خطاب کریں گے۔ وہ بارڈر سیکورٹی فورس کے جوانوں سے ان کے ہیڈکوارٹر میں ملاقات کریں گے، تباہ شدہ مذہبی مقامات کا دورہ کریں گے اور حملوں میں ہلاک ہونے والوں کے لواحقین میں تقرری کے خطوط تقسیم کریں گے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
