سپریم کورٹ کے سینئر ایڈوکیٹ زیڈ کے فیضان نے ہندوستانی مسلمانوں پر مظالم پر سوال اٹھایا۔
نئی دہلی: سپریم کورٹ کے سینئرایڈوکیٹ زیڈ کے فیضان نے پہلگام دہشت گردانہ حملہ کے پیش نظرپاکستان کی سخت مذمت کرتے ہوئے کہا کہ پاکستان کوسبق سکھانا ضروری ہے، لیکن میڈیا میں جوجنگ کی باتیں آرہی ہیں، یہ ٹھیک نہیں ہے۔ حکومت اس کا فیصلہ کرے گی اور جواب مناسب وقت پردیا جائے گا۔ وزیراعظم اورافواج جومیٹنگیں کرتے ہیں، وہ خفیہ ہوتی ہیں۔ انہوں نے کہا کہ ایک تشویش کی بات یہ ہے کہ لوگوں کا قتل کرنے والے اب تک پکڑے نہیں گئے ہیں، وہ کہاں چلے گئے، اتنے دنوں میں ہمیں اس میں کامیابی نہیں ملی ہے۔ انہوں نے کہا کہ اگریہ دہشت گرد پاک مقبوضہ کشمیرمیں اگرچلے گئے ہیں، توپھرحکومت کواس پرسرجیکل اسٹرائیک کرنی ہی پڑے گی۔
ایڈوکیٹ زیڈ کے فیضان نے کہا کہ پاکستان نے حملہ کرایا، اس کا جواب تودینا ہی چاہئے، لیکن ہمارے ملک کی حکومت کی ناکامی کے لئے وزیرداخلہ امت شاہ کوذمہ داری لینی چاہئے۔ بلکہ ان کومعافی مانگنی چاہئے۔ انہوں نے یہ بھی کہا کہ ملک میں جو بھی چیزیں ہو رہی ہے اور مسلمانوں کے ساتھ جونا انصافی ہو رہی ہے، وہ ہرگزنہیں ہونی چاہئے۔ اس کی ذمہ داری حکومت کی ہے، لیکن حکومت کا رویہ مسلمانوں کے لئے ٹھیک نہیں ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
