کسان لیڈر نریش ٹکیٹ کے بیان پر سوال اٹھنے کے بعد راکیش ٹکیٹ نے صفائی دی ہے۔
BKU Leader Naresh Tikait on Pahalgam Terror Attack: بھارتیہ کسان یونین (بی کے یو) کے قومی صدرنریش ٹکیٹ نے حال ہی میں جموں وکشمیرکے پہلگام میں ہوئے دہشت گردانہ حملے اورہندوستان-پاکستان کے درمیان پانی تنازعہ پر بڑا بیان دے دیا ہے، جو بحث کا موضوع بن گیا ہے۔ پہلگام حملے کے بعد ہندوستانی حکومت نے سندھوآبی معاہدہ کومنسوخ کرنے کا فیصلہ لیا، لیکن نرینش ٹکیٹ اس بیان کے بعد سے سرخیوں میں ہیں۔ نریش ٹکیٹ نے کہا کہ پہلگام دہشت گردانہ حملے کے لئے پورے پاکستان کو قصوروارٹھہرانا مناسب نہیں ہے۔ پاکستان میں کچھ لوگ دہشت گردی کو فروغ دیتے ہیں، لیکن اس کا مطلب یہ نہیں کہ وہاں کی پوری عوام غلط ہے۔ انہوں نے کہا کہ پاکستان کا پانی روکنا غلط ہے، کسان چاہے ہندوستان کا ہویا پاکستان کا، پانی بند ہونے سے اس کا نقصان ہوگا۔
پہلگام دہشت گردانہ حملے پرنریش ٹکیٹ نے کہا کہ پورا ملک اوردنیا اس دہشت گردانہ حملے کی مخالفت کررہی ہے کہ ایسے حادثات نہیں ہونے چاہئے تھے۔ وہیں اس معاملے میں پاکستان کے کردارکے سوال پرنریش ٹکیٹ نے کہا کہ اس حملے میں پورے پاکستان کوہم قصوروار نہیں مانتے ہیں۔ سندھوآبی معاہدہ کو منسوخ کرنے اور پاکستان کا پانی روکنے پرانہوں نے کہا کہ ہم اس فیصلے کی حمایت نہیں کرتے۔ کیونکہ غلطی 5-4 لوگ کریں اوراس کا نقصان لاکھوں کو بھگتنا پڑے، یہ صحیح نہیں ہے۔
On the Indus Water Treaty, farmer leader Naresh Tikait says “This is a wrong decision. The treaty should have continued. We are against this. We are farmers and every farmer needs water.”
(file pic) pic.twitter.com/aF93oawRNp
— ANI (@ANI) April 28, 2025
وہیں، نریش ٹکیٹ نے حکومت پرتنقید کرتے ہوئے کہا کہ سیکورٹی میں چوک کیوں ہوئی اوردہشت گرد وہاں کیسے آگئے۔ حکومت نے فوج میں بھی کٹوتی کردی۔ انہوں نے کہا کہ دہشت گردی کا کوئی مذہب نہیں ہوتا، یہ صحیح ہے۔ کیونکہ یہ توکسی بھی مذہب میں ہوسکتے ہیں۔ حالانکہ اس معاملے پرحکومت کوسخت فیصلہ لینا چاہئے۔ اس وقت ملک میں سبھی مذاہب کے لوگ متحد ہیں، مسلم سماج بھی شرمندگی میں ہے۔
پورے ملک میں مخالفت، پرویش ورما نے اٹھایا سوال
دہلی کے نائب وزیراعلیٰ پرویش سنگھ ورما نے نریش ٹکیٹ کوآڑے ہاتھوں لیتے ہوئے کہا کہ ”جو لوگ پاکستان کے کسانوں کی فکر رہے ہیں، وہ نہ ہندوستان کے سچے شہری ہیں اورنہ کسانوں کے سچے ہمدرد ہیں۔“ انہوں نے ٹکیٹ برادران کوملک مخالف قراردیتے ہوئے یہاں تک کہہ دیا کہ”اگرپاکستان سے اتنی ہمدردی ہے، تو ہندوستان چھوڑکرپاکستان چلے جائیں۔“
راکیش ٹکیٹ نے کیا بھائی نریش ٹکیٹ کا بچاؤ
ہریانہ کے کرنال میں راکیش ٹکیٹ نے میڈیا سے بات چیت میں کہا کہ نریش ٹکیٹ کے بیان کوتوڑمروڑکرپیش کیا گیا ہے۔ انہوں نے واضح طورپرکہا، ”ہم حکومت اورفوج کے ساتھ ہیں۔ سخت فیصلے لئے جائیں، ہم حمایت میں رہیں گے۔ میڈیا کے سوالوں کے جواب میں انہوں نے کچھ کہا، اس کا غلط مطلب نکالا گیا ہے۔“
#WATCH | Karnal, Haryana: On farmer leader Naresh Tikait’s statement, farmer leader Rakesh Tikait says “A lot of people from the Press were questioning him about the issue (Indus Water Treaty)…There is no such intention. We are with the government and our armed forces on this… https://t.co/hzYhZp6ouh pic.twitter.com/iLo6JzDWgz
— ANI (@ANI) April 28, 2025
اب کسان تنظیموں میں اختلافات کی خبریں
اس بیان کے بعد مختلف کسان تنظیموں میں اختلافات ابھرتے ہوئے نظرآرہے ہیں۔ کئی تنظیموں نے نریش ٹکیٹ کے بیان سے دوری بنالی ہے اوراسے ملک کے مفاد کے خلاف بتایا ہے۔ وہیں کچھ کسان لیڈراب بھی ٹکیٹ برادران کے ساتھ ہیں۔ سندھوآبی معاہدہ جیسے حساس موضوع پربیان بازی نے ایک بارپھردکھا دیا ہے کہ الفاظ کا انتخاب کتنا ہے۔ نریش ٹکیٹ کے بیان نے جہاں انہیں زبردست مخالفت کا سامنا کروایا۔ وہیں راکیش ٹکیٹ کی صفائی سے معاملہ کچھ حدتک تھم گیا ہے۔ حالانکہ اس معاملے پرپورا ملک پاکستان کے خلاف حکومت کے ساتھ کھڑا ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
