امریکی نائب صدر جے ڈی وانس پیر کو اپنی بیوی اوشا اور تین بچوں- ایوان، وویک اور میرابیل کے ساتھ چار روزہ سرکاری دورے پر ہندوستان پہنچے۔ نائب صدر بننے کے بعد وانس کا یہ پہلا ہندوستان کا دورہ ہے۔ جے ڈی وانس آج صبح 9:45 بجے دہلی کے پالم ہوائی اڈے پر اترے، جہاں مرکزی وزیر اشونی ویشنو نے ان کا استقبال کیا۔ وانس کو ایئرپورٹ پر گارڈ آف آنر بھی دیا گیا اور ان کے اہل خانہ کے سامنے روایتی ثقافتی پروگرام پیش کیا گیا۔
پی ایم مودی سے کی ملاقات
شام تقریباً 6:30 بجے امریکہ کے نائب صدر جے ڈی وانس وزیر اعظم نریندر مودی کی سرکاری رہائش گاہ 7 لوک کلیان مارگ پر ان سے ملنے پہنچے۔ پی ایم مودی نے رہائش گاہ کے گیٹ پر وانس اور ان کے اہل خانہ کا استقبال کیا۔ اس کے بعد دونوں رہنماؤں کے درمیان بات چیت کا دور چلا۔ اس دوران پی ایم مودی نے وانس اور ان کے خاندان کے اعزاز میں ایک خصوصی عشائیہ کا بھی اہتمام کیا۔
प्रधानमंत्री मोदी ने दिल्ली में लोक कल्याण मार्ग स्थित अपने आधिकारिक आवास पर अमेरिकी उपराष्ट्रपति जेडी वेंस और सेकंड लेडी उषा वेंस तथा उनके बच्चों का स्वागत किया। pic.twitter.com/tjIgiNCH7g
— ANI_HindiNews (@AHindinews) April 21, 2025
وزیر اعظم نے جنوری میں اپنے واشنگٹن ڈی سی کے دورے اور صدر ٹرمپ کے ساتھ نتیجہ خیز بات چیت کو یاد کیا۔ وزیر اعظم اور نائب صدر وینس نے دو طرفہ تعاون کے مختلف شعبوں میں پیش رفت کا بھی جائزہ لیا۔ انھوں نے توانائی، دفاع، اسٹریٹجک ٹیکنالوجی اور دیگر شعبوں میں تعاون کو بڑھانے کے لیے دونوں ممالک کی مسلسل کوششوں کا ذکر کیا۔
#WATCH | दिल्ली: प्रधानमंत्री मोदी ने लोक कल्याण मार्ग स्थित अपने आधिकारिक आवास पर अमेरिकी उपराष्ट्रपति जेडी वेंस और सेकंड लेडी उषा वेंस तथा उनके बच्चों का स्वागत किया। pic.twitter.com/NsVtbxtJOO
— ANI_HindiNews (@AHindinews) April 21, 2025
دونوں رہنماؤں نے باہمی دلچسپی کے مختلف علاقائی اور عالمی امور پر بھی تبادلۂ خیال کیا اور آگے بڑھنے کے لیے بات چیت اور سفارت کاری پر زور دیا۔ وزیر اعظم نے نائب صدر، خاتونِ ثانی اور ان کے بچوں کے لیے ہندوستان میں خوشگوار اور نتیجہ خیز قیام کے لیے نیک خواہشات کا اظہار کیا۔ وزیر اعظم نے صدر ٹرمپ کو بھی مبارکباد پیش کی اور کہا کہ وہ اس سال کے آخر میں ٹرمپ کے ہندوستان کے دورے کے منتظر ہیں۔
اکشردھام مندر میں وقت گزارا
ہندوستان پہنچنے کے چند گھنٹے بعد ہی جے ڈی وانس اپنے خاندان کے ساتھ دہلی کے مشہور اکشردھام مندر پہنچ گئے۔ جہاں انھوں نے تقریباً ایک گھنٹے کا وقت گزارا اور ہندوستانی ثقات کے مظاہر کا مشاہدہ کیا۔ وانس اپنے پورے خاندان کے ساتھ مندر کے احاطے کے سکون اور روحانیت سے لطف اندوز ہوئے۔
سیاسی اور سفارتی ملاقاتیں
اب جے ڈی وانس وزیر خارجہ ایس جے شنکر، قومی سلامتی کے مشیر اجیت ڈوبھال، خارجہ سکریٹری وکرم مسری اور ہندوستان میں امریکی سفیر ونے موہن کواترا سے بھی ملاقات کریں گے۔ امریکی نائب صدر کے اس دورے کو دونوں ممالک کے درمیان اسٹریٹجک تعلقات کو مزید مضبوط بنانے کی سمت میں اہم قرار دیا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
