مرکزی وزیر داخلہ امت شاہ آسام اور میزورم کے تین روزہ دورے پر جمعہ کو جورہاٹ پہنچے۔ آسام کے وزیر اعلی ہمانتا بسوا سرما نے اپنی پوری کابینہ کے ساتھ جورہاٹ ہوائی اڈے پر امت شاہ کا پرجوش استقبال کیا۔
امت شاہ پولیس اکیڈمی کا افتتاح کریں گے
Reached Jorhat, Assam for a two-day tour of the Northeast.
Will attend the land transfer ceremony between the Assam Rifles and the Govt of Mizoram. Additionally, will attend the inauguration of the Lachit Barphukan Police Academy in Assam and review the implementation of three… pic.twitter.com/6bDBYQuSov
— Amit Shah (@AmitShah) March 14, 2025
آسام کے وزیر اعلیٰ نے سوشل میڈیا پلیٹ فارم X پر پوسٹ کیا، “ہم عزت مآب مرکزی وزیر داخلہ امت شاہ کا آسام کی پاؤتر سرزمین پر جورہاٹ ہوائی اڈے پر پرتپاک استقبال کرتے ہیں۔” جورہاٹ پہنچنے کے بعد وزیر داخلہ گولاگھاٹ ضلع کے قریبی قصبہ ڈیرگاؤں کے لیے روانہ ہوئے۔
حکام نے بتایا کہ ہفتہ کو امت شاہ پولیس اکیڈمی کا افتتاح کریں گے، جس کا پہلا مرحلہ 167.4 کروڑ روپے کی لاگت سے مکمل کیا گیا ہے۔ 425.48 کروڑ روپے کی لاگت سے پولیس اکیڈمی کے دوسرے مرحلے کا سنگ بنیاد بھی امت شاہ رکھیں گے۔ اس کے بعد وزیر داخلہ میزورم روانہ ہوں گے۔
میزورم میں کن کن پروگراموں میں حصہ لیں گے؟
میزورم میں، امت شاہ آسام رائفلز کی تنصیبات کو ایزول سے زوکھاوسانگ منتقل کرنے کے لیے تقریب میں شرکت کریں گے، جو ریاستی دارالحکومت سے تقریباً 15 کلومیٹر دور ہے۔ حکام نے بتایا کہ امت شاہ ہفتہ کی شام گوہاٹی واپس آئیں گے اور کوئینادھورا علاقہ میں واقع سرکاری گیسٹ ہاؤس میں رات قیام کریں گے۔
یہ بھی پڑھیں:India In UN:بار بار راگ الاپنے سے کشمیر تمہارا نہیں ہوجائے گا، بھارت نے پاکستان کو اقوام متحدہ میں کردیا خاموش
57 ویں سالانہ کانفرنس سے خطاب کریں گے
اتوار کی صبح امت شاہ کوکراجھار ضلع کے ڈوٹما کے لیے روانہ ہوں گے، تاکہ آل بوڈو اسٹوڈنٹس یونین (ABSU) کی 57ویں سالانہ کانفرنس سے خطاب کریں۔ ریاست کے وزیر اعلیٰ، بوڈو لینڈ ٹیریٹوریل ریجن (بی ٹی آر) کے سربراہ پرمود بورو، سینئر وزراء، ارکان پارلیمنٹ اور اہم اسٹیک ہولڈر اس تقریب میں موجود ہوں گے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
