وزیراعظم مودی نے ایمس پہنچ کر صدر جمہوریہ جگدیپ دھنکھڑ کی صحت سے متعلق جانکاری حاصل کی۔
نئی دہلی: ملک کے نائب صدرجمہوریہ جگدیپ دھنکھڑکوہفتہ کی دیر رات طبیعت خراب ہونے کے بعد دہلی ایمس میں داخل کرایا گیا ہے۔ فی الحال وہ کارڈیالوجی ڈپارٹمنٹ کے سربراہ ڈاکٹرراجیونارنگ کی نگرانی میں کریٹیکل کیئر یونٹ (سی سی یو) میں ہیں۔ ان کی حالت مستحکم بتائی گئی ہے۔ وہیں وزیراعظم نریندرمودی نے اتوارکوایمس جاکرنائب صدرجمہوریہ سے ملاقات کی اوران کا حال جانا۔
دراصل، نائب صدرجمہوریہ کو بے چینی اور سینے میں درد کی شکایت ہوئی تھی، جس کے بعد انہیں دیررات ایمس میں داخل کرایا گیا تھا۔ وزیراعظم مودی نے ملاقات کے بعد ایکس (سابقہ میں ٹوئٹر) پرایک پوسٹ میں کہا تھا کہ ایمس جاکر نائب صدرجمہوریہ جگدیپ دھنکھڑ کی صحت کے بارے میں جانکاری لی۔ میں ان کے اچھی صحت اور جلد صحتیاب ہونے کی دعا کرتا ہوں۔
Went to AIIMS and enquired about the health of Vice President Shri Jagdeep Dhankhar Ji. I pray for his good health and speedy recovery. @VPIndia
— Narendra Modi (@narendramodi) March 9, 2025
جے پی نڈا بھی پہنچے ایمس
جگدیپ دھنکھڑ (73 سال) کو ہفتہ کی دیر رات تقریباً 2 بجے اسپتال لے جایا گیا اور ایمس میں کارڈیالوجی ڈپارٹمنٹ کے سربراہ ڈاکٹر راجیو نارنگ کی نگرانی میں کریٹیکل کیئریونٹ (سی سی یو) میں داخل کرایا گیا ہے۔ ذرائع کے مطابق، فی الحال نائب صدر جمہوریہ کی حالت مستحکم ہے اور انہیں نگرانی میں رکھا گیا ہے۔ انہوں نے کہا کہ ڈاکٹروں کی ایک ٹیم ان کی حالت پر نظر رکھ رہی ہے۔ مرکزی وزیر صحت اور بی جے پی کے قومی صدر جے پی نڈا نے بھی نائب صدر جمہوریہ کی صحت سے متعلق جانکاری لینے کے لئے ایمس پہنچے تھے۔
یہ بھی پڑھیں: Bhupesh Baghel: چھتیس گڑھ کے سابق وزیر اعلی بھوپیش بگھیل کے گھر ای ڈی کا چھاپہ، 14 مقامات پر جاری سرچ آپریشن
گورنر بھی رہ چکے ہیں نائب صدر جمہوریہ
جگدیپ دھنکھڑا کو صدرجمہوریہ رام ناتھ گووند نے 30 جولائی 2019 کو بنگال کا 28واں گورنرنامزد کیا تھا۔ جگدیپ دھنکھڑ 1989 سے 1991 تک راجستھان کے جھنجھنو سے لوک سبھا کے رکن پارلیمنٹ بھی رہ چکے ہیں۔ 1989 سے 1991 تک وی سی پی سنگھ اور چندرشیکھر کی حکومت میں مرکزی وزیر بھی رہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
