کم و بیش ایک سال سے احتجاج کرنے والے کسانوں نے جمعہ کو مرکزی حکومت کے نمائندے سے میٹنگ کی ہے۔ یہ میٹنگ چندی گڑھ میں ہوئی اور اگلی میٹنگ 22 فروری کو طے کی گئی ہے۔ مرکزی وزیر پرہلاد جوشی اور کسان رہنماؤں کی قیادت میں ایک مرکزی ٹیم نے ایم ایس پی سمیت کئی مسائل پر تبادلہ خیال کیا۔ کسان لیڈر جگجیت سنگھ ڈلیوال نے میٹنگ کے بعد کہاکہ ہم ایک اور میٹنگ کریں گے جس میں وزیر زراعت شیوراج چوہان اور وزیر داخلہ موجود ہوں گے۔ یہ میٹنگ چنڈی گڑھ یا دہلی میں ہو سکتی ہے۔
VIDEO | Here’s what farmer leader Jagjit Singh Dallewal said after a meeting between farmers and Union Minister Pralhad Joshi in Chandigarh.
“The meeting (between farmers and the government) has ended; it was a positive meeting. The government has called another meeting on… pic.twitter.com/8IhUQo0wop
— Press Trust of India (@PTI_News) February 14, 2025
جگجیت سنگھ ڈلیوال نے کہاکہ یہ میٹنگ دہلی میں ہوگی یا چندی گڑھ میں اس بارے میں معلومات ایک یا دو دن میں دی جائیں گی۔ وزیر زراعت شیوراج سنگھ چوہان اور دو دیگر مرکزی وزیر بھی اس میٹنگ میں شرکت کریں گے۔مرکزی وزیر پرہلاد جوشی نے کسانوں کے ساتھ میٹنگ کے بعد کہاکہ آج تمام مسائل پر بات چیت ہوئی ہے۔ ہم نے کسانوں کے مطالبات کو پرامن طریقے سے سنا ہے۔ اگلی میٹنگ شیوراج چوہان کی قیادت میں 22 فروری کو ہوگی۔ مرکزی وزیر نے کہا کہ شیوراج سنگھ چوہان خود بھی اگلی میٹنگ میں شرکت کریں گے۔
ایم ایس پی کی قانونی ضمانت پر بات ہوئی
میٹنگ میں فصلوں پر کم از کم امدادی قیمت (ایم ایس پی) کی قانونی ضمانت پر خاص طور پر تبادلہ خیال کیا گیا۔ یہ اجلاس کسانوں کے احتجاج کے بعد منعقد کیا گیا تھا جو ایک سال سے جاری تھا۔ مرکزی حکومت کی نمائندگی کرتے ہوئے مرکزی وزیر پرہلاد جوشی نے مختلف کسانوں کے نمائندوں سے بات چیت کی۔ وفد میں سنیوکت کسان مورچہ (غیر سیاسی) اور کسان مزدور مورچہ کے 28 رکنی رہنما شامل تھے، جو کسانوں کی تحریک کی قیادت کر رہے تھے۔ یہ میٹنگ چندی گڑھ کے مہاتما گاندھی اسٹیٹ انسٹی ٹیوٹ آف پبلک ایڈمنسٹریشن میں پنجاب کے وزیر زراعت گرمیت سنگھ کھڈیان اور فوڈ اینڈ سول سپلائیز کے وزیر لال چند کٹاروچک، چیف سکریٹری کے اے پی سنہا اور ڈی جی پی گورو یادو کی موجودگی میں منعقد ہوئی۔
Held a significant meeting in Chandigarh with the United Kisan Morcha (Non-Political) and Kisan Mazdoor Morcha, engaging in constructive discussions with farmer representatives.
Under the leadership of Hon’ble PM Shri @narendramodi ji, we highlighted key decisions for farmers’… pic.twitter.com/M0I2bdzwH5
— Pralhad Joshi (@JoshiPralhad) February 14, 2025
کسان لیڈر جگجیت سنگھ دلیوال، جو اپنی بھوک ہڑتال کی وجہ سے گاڑیوں میں سوار تھے، کو بھی میٹنگ میں لایا گیا۔ انہوں نے کہا کہ کھنوری احتجاجی مقام سے چنڈی گڑھ پہنچنے میں چار گھنٹے لگے۔ ڈلیوال سنیوکت کسان مورچہ (غیر سیاسی) کے کنوینر ہیں۔ وہ 26 نومبر سے کھنوری بارڈر پر غیر معینہ مدت کی بھوک ہڑتال پر ہیں۔ ان کا کہنا ہے کہ وہ مرکزی حکومت پر ایم ایس پی کی قانونی ضمانت سمیت کئی مطالبات ماننے کے لیے دباؤ ڈالنے کی کوشش کر رہے ہیں۔کسان پچھلے سال سے دہلی میں مارچ کرنا چاہتے تھے، لیکن انہیں راجدھانی میں ایسا کرنے کی اجازت نہیں دی گئی۔ اس کے بعد وہ کھنوری بارڈر پر دھرنے پر بیٹھ گئے۔ فصل کے ایم ایس پی کے لیے قانونی ضمانت کے علاوہ، کسان قرض معافی، کسانوں اور کھیت مزدوروں کے لیے پنشن، بجلی کے نرخوں میں کسی بھی طرح کے اضافے پر روک، پولیس کے ذریعے درج کیے گئے مقدمات کو واپس لینے، اور 2021 کے لکھیم پور کھیری تشدد کے متاثرین کے لیے “انصاف” کا مطالبہ کر رہے ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
