نوئیڈا: نوئیڈا تھانہ کے سیکٹر126 کے تحت واقع اسکولوں کو بم سے اڑانے کی دھمکی آمیز فرضی ای-میل بھیجنے والے معاملے میں نوئیڈا پولیس کو بڑی کامیابی ملی ہے۔ پولیس نے صرف 12 گھنٹے میں اس کا انکشاف کردیا ہے۔ اس معاملے میں پولیس کی سائبر ٹیم اور مقامی پولیس کی مشترکہ جانچ میں ایک نابالغ کی پہچان کرکے اس نابالغ کو پولیس نے حراست میں لے لیا ہے۔
نوئیڈا کی پولیس کمشنریٹ کی طرف سے منعقدہ پریس کانفرنس میں ڈی سی پی نوئیڈا رام بدن سنگھ نے بتایا کہ گوتم بدھ نگر کمشنریٹ کے تحت چاراسکولوں کوفرضی دھمکی آمیزای-میل بھیجے گئے تھے۔ اسکول انتظامیہ نے اس معاملے میں تھانہ سیکٹر-126 میں تحریردی، جس کی بنیاد پرمقدمہ درج کیا گیا۔ پولیس اورسائبرٹیم کی مستعدی سے صرف 12 گھنٹےکے اندرفرضی ای-میل بھیجنے والے نابالغ کوٹریس کرلیا گیا۔
حرکت میں آئی پولیس، سیکورٹی کے سخت انتظام
بم مخالف دستہ اورفائربریگیڈ کی ٹیموں کواسکولوں میں تعینات کیا گیا۔ طلبا کومحفوظ مقامات پرلے جایا گیا اورپورے اسکول احاطے کی تلاشی کی گئی۔ جانچ کے دوران کسی بھی اسکول میں کوئی مشتبہ چیزنہیں ملی۔ حالات معمول کے مطابق ہونے کے بعد کئی اسکولوں میں کلاسیزدوبارہ شروع کردی گئیں۔
नोएडा के 04 स्कूलों में बम रखे होने के संबंध मे SPAM/HOAX ई-मेल करने वाले नाबालिग लड़के को थाना सेक्टर-126 नोएडा पुलिस द्वारा अभिरक्षा में लिया गया।
उक्त संबंध में @DCP_Noida द्वारा दी गई बाइट। pic.twitter.com/54uW3qk9QS
— POLICE COMMISSIONERATE GAUTAM BUDDH NAGAR (@noidapolice) February 6, 2025
سائبرٹیم کررہی ہے تفصیلی جانچ
پولیس نے بتایا کہ سائبرٹیم دھمکی آمیزای-میل کی گہرائی سے جانچ کررہی ہے۔ ساتھ ہی اس بات کا بھی پتہ لگایا جا رہا ہے کہ نابالغ نے یہ ای-میل بھیجنے کے لئے کس وسائل کا استعمال کیا۔
نوئیڈا پولیس نے کی افواہوں پردھیان نہ دینے کی اپیل
نوئیڈا پولیس نے عام عوام اورسرپرستوں سے گزارش کی ہے کہ وہ افواہوں پر دھیان نہ دیں اور احتیاط بنائے رکھیں۔ پولیس پوری طرح سے محتاط ہے اورسیکورٹی کے سبھی ضروری انتظامات کئے جا رہے ہیں۔
بھارت ایکسپریس اردو۔
