پیر کو پارلیمنٹ میں پیش کیا جائے گا وقف ترمیمی بل، جگدمبیکا پال پیش کریں گے رپورٹ
Waqf Amendment Bill: وقف ترمیمی بل 2024 کے لیے بنائی گئی مشترکہ پارلیمانی کمیٹی (جے پی سی) کے چیئرمین جگدمبیکا پال بجٹ اجلاس کے دوران پیر (3 فروری 2025) کو لوک سبھا میں رپورٹ پیش کرنے والے ہیں۔ وقف (ترمیمی) بل کے لیے تشکیل دی گئی جے پی سی نے گزشتہ جمعرات (30 جنوری 2025) کو لوک سبھا کے اسپیکر اوم برلا کو اپنی مسودہ رپورٹ پیش کی۔ اس وقت حکمراں جماعت کے ارکان وہاں موجود تھے لیکن اپوزیشن کا کوئی رکن پارلیمنٹ نظر نہیں آیا۔ جے پی سی نے اس سے ایک دن پہلے مسودہ رپورٹ کو منظوری دی تھی۔
اے آئی ایم آئی ایم لیڈر نے رپورٹ پر کیا احتجاج کا اظہار
پی ٹی آئی کی رپورٹ کے مطابق، اس کے بعد اے آئی ایم آئی ایم کے رہنما اسد الدین اویسی نے جمعہ (31 جنوری 2025) کو کہا کہ وقف (ترمیمی) بل پر مشترکہ کمیٹی کی رپورٹ پر ان کا تفصیلی اختلافی نوٹ کمیٹی کے چیئرمین جگدمبیکا پال نے ان کے نوٹس میں لائے بغیر ہٹا دیا۔ کمیٹی کے رکن اویسی نے رپورٹ پر 231 صفحات کا اختلافی نوٹ دیا تھا اور چیئرمین پر الزام لگایا تھا کہ وہ رپورٹ کے حوالے سے دیے گئے اختلافی نوٹ کو تبدیل کرنے کے لیے طریقہ کار کے قواعد کا غلط استعمال کر رہے ہیں۔
میرے علم میں لائے بغیر حذف کر دیے گئے میرے نوٹ
اویسی نے ‘X’ پر لکھا، ’’میں نے وقف ترمیمی بل کے خلاف مشترکہ کمیٹی کو ایک تفصیلی اختلافی نوٹ پیش کیا تھا۔ یہ چونکا دینے والی بات ہے کہ میرے نوٹوں کے کچھ حصے میرے علم کے بغیر ایڈٹ کر دیے گئے۔ حذف شدہ حصے متنازعہ نہیں تھے۔ ان میں صرف حقائق بیان کیے گئے تھے۔‘‘ انہوں نے کہا، ’’(کمیٹی) کے چیئرمین جگدمبیکا پال جو رپورٹ چاہتے تھے وہ تیار کی گئی تھی، لیکن اپوزیشن کی آواز کو کیوں دبایا گیا؟
یہ بھی پڑھیں- Delhi elections 2025: دہلی کے لوگ AAP حکومت سے ہو گئے بیزار، عمران پرتاپ گڑھی نے اروند کیجریوال سے پوچھے کئی بڑے سوال
رپورٹ پر اپوزیشن ارکان نے اختلافی نوٹ جمع کرائے
اویسی نے کہا کہ چونکہ انہوں نے میری رپورٹ کو تبدیل کرنے کے لیے ایک اصول کا غلط استعمال کیا ہے، اس لیے میں جلد ہی عوام کو پڑھنے کے لیے اپنا مکمل اختلافی نوٹ جاری کروں گا۔ وقف (ترمیمی) بل پر پارلیمنٹ کی مشترکہ کمیٹی نے مسودہ بل کی رپورٹ کو 15 سے 11 کی اکثریت سے منظور کر لیا۔ رپورٹ پر اپوزیشن ارکان نے اختلافی نوٹ جمع کرائے ۔
-بھارت ایکسپریس
