White Tshirt Movement: لوک سبھا میں اپوزیشن لیڈر راہل گاندھی نے اتوار کو مودی حکومت پر حملہ بولا۔ انہوں نے مرکزی حکومت پر غریبوں اور محنتی لوگوں کو ان کے حالات پر چھوڑنے کا الزام لگایا ہے۔ راہل گاندھی نے اس کے خلاف آواز اٹھانے کی اپیل کی ہے اور وائٹ ٹی شرٹ موومنٹ شروع کرنے کا اعلان کیا ہے اور لوگوں سے اس تحریک میں شامل ہونے کی اپیل کی ہے۔
راہل گاندھی نے اتوار کو سوشل سائٹ ایکس پر ٹویٹ کرتے ہوئے کہا کہ آج مودی حکومت نے غریبوں اور محنت کش طبقے سے منہ موڑ لیا ہے اور انہیں مکمل طور پر ان کے حالات پر چھوڑ دیا ہے، حکومت کی پوری توجہ صرف چند چنندہ سرمایہ داروں کو مالا مال کرنے پر ہے۔ جس کی وجہ سے عدم مساوات میں مسلسل اضافہ ہو رہا ہے اور اپنے خون پسینے سے ملک کی آبیاری کرنے والے محنت کشوں کی حالت بد سے بدتر ہوتی جا رہی ہے۔ وہ طرح طرح کی ناانصافیوں اور مظالم کو سہنے پر مجبور ہیں۔
راہل گاندھی نے شروع کی وائٹ ٹی شرٹ تحریک
انہوں نے کہا کہ ایسی صورتحال میں ہم سب کی ذمہ داری ہے کہ ہم انہیں انصاف اور ان کے حقوق دلانے کے لیے بھرپور آواز بلند کریں۔ اس سوچ کو ذہن میں رکھتے ہوئے ہم #WhiteTshirtMovement شروع کر رہے ہیں۔ انہوں نے کہا کہ میں اپنے نوجوان اور محنت کش طبقے کے دوستوں سے اپیل کرتا ہوں کہ وہ اس تحریک میں جوش و خروش سے حصہ لیں۔ اس مہم میں شامل ہوں۔
आज मोदी सरकार ने ग़रीब और मेहनतकश वर्ग से अपना मुंह मोड़ लिया है और उन्हें पूरी तरह से उनके हाल पर छोड़ दिया है। सरकार का पूरा ध्यान सिर्फ़ गिने चुने पूंजीपतियों को ही और समृद्ध करने पर है।
इस वजह से असमानता लगातार बढ़ती जा रही है और खून-पसीने से देश को सींचने वाले श्रमिकों की… pic.twitter.com/RNMcOuAfYF
— Rahul Gandhi (@RahulGandhi) January 19, 2025
یہ بھی پڑھیں- Republic Day 2025: نوئیڈا پولس نے یوم جمہوریہ کے پیش نظر چلائی چیکنگ مہم ، اے سی پی پروین سنگھ نے سیکورٹی کا لیا جائزہ
راہل گاندھی نے مودی حکومت پر کیا حملہ
اس کے ساتھ راہل گاندھی کی پوسٹ میں ایک لنک دیا گیا ہے اور ہر کسی سے اس لنک میں شامل ہونے کی اپیل کی گئی ہے۔ ساتھ ہی 9999812024 بھی دیا گیا ہے اور لوگوں سے اس نمبر پر مس کال کرنے کی اپیل کی گئی ہے۔ آپ کو بتا دیں کہ راہل گاندھی مسلسل مرکزی حکومت پر حملے کر رہے ہیں اور راہل گاندھی لگاتار الزام لگا رہے ہیں کہ مودی حکومت کچھ سرمایہ داروں کے مفاد میں کام کر رہی ہے اور غریب عوام کو نظر انداز کیا جا رہا ہے اور اب انہوں نے اس حوالے سے ایک نئی تحریک شروع کر دی ہے۔ اس کے آغاز کا اعلان بھی کر دیا گیا ہے۔
-بھارت ایکسپریس
